Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> معراج محمد خاں تے ترقی پسندپاکستانی سیاست

معراج محمد خاں تے ترقی پسندپاکستانی سیاست

ریڈیو پروگرام لوک لہر
February 6th, 2017

اج اک ریڈیو پروگرام وچ کھبے دی سیاست دے اک وڈے ناں معراج محمد خاں تے انہاں دے دور دی سیاستاں بارے بحثاں ہوئیاں۔نظریاتی تے عوامی سیاستاں دے وادھیاں تے گھاٹیاں بارے گل بات کرن والیاں وچ معراج ہوراں نال کم کرن والے انہاں دے کامریڈ خواجہ سلیم، مصدق حسین اسد اتے ارشد بٹ رلت کیتی۔ایس گل تے اتفاق سی کہ جے بھٹو دور وچ لیفٹ لبرل قوتاں رل مل کم کردیاں اتے نیپ، کمیونسٹ اتے پی پی پی آپسی لڑائیاں توں بچ جاندے تاں پاکستان پہلا جمہوری تسلسل1977 وچ ویکھ سکدا سی جہیڑا 2013وچ ویکھنا پیا اتے اوہ وی جمہوری میثاق پاروں ممکن ہویا۔اج جداں پلاں دے ہیٹھوں بہوں پانی وگ چکیا ہے تاں سانوں اپنے بیانیاں بارے مڑ جھات پانا لوڑی دا ہے۔خواجہ سلیم اْس دور دی گل چھوئی جداں پی پی پی ہلے بنن ول جارہی سی اتے کنج پنجابیاں دی مڈل کلاس تے ماڑے طبقیاں پی پی پی دا ساتھ دتا۔لیفٹ دے کجھ گروپاں وی پی پی پی نوں تگڑا کیتا پر پھیر اوہ پی پی پی وچوں انقلاب کڈہن وچ رجھ گئے۔بقول ارشد بٹ معراج ورگے ترقی پسند دو پاسیوں پس رہے سن جداں اک پاسے سکہ بند کھبے والے انہاں نوں انقلاب دا غدار آکھ رہے سن اتے دوجے پاسے پی پی پی وچ بیٹھے سجے دے لیڈر انہاں نوں نکرے لاون لئی سازشاں کر رہے سن۔بٹ ہوراں آکھیا پئی عوامی حقاں پاروں جڈے قنون بھٹو دور وچ پاس کیتے گئے اوہ اک ریکارڈ ہے پر لیفٹ چھیتی وچ سی تاں مارے ٹکراؤ ہویا اتے ایس نال مزدور لہر کمزور ہوئی اتے ترقی پسند سیاست کراہے پئے گئی۔خواجہ سلیم آکھیا پئی کھبے دے لیڈراں وچ آپسی شخصی جھیڑے زیادہ سن۔کھبے نوں عوامی سیاستاں دا گیان نہیں سی۔مست ایف ایم103تے ریکارڈ کیتے گئے ایس پروگرام دا لنک تھلے دے رہے ہاں تاں جے تسی ایس نوں سن سکو۔
گل بات خواجہ سلیم سینئر ساتھی معراج محمد خان، پہلے جنرل سیکرٹری پی پی پی پنڈی،رہنما پیپلز لیبر فیڈریشن،قومی محاذ آزادی
ارشد بٹ:سابقہ طالب علم رہنما، لیڈر این ایس ایف، قومی محاذ آزادی،سابقہ صدر تحریک انصاف لہور
مصدق حسین اسد سابقہ ممبر این ایس ایف، ممبر مزدور کسان پارٹی، قومی محاذ آزادی
سوال:
1۔پاکستانی سیاست وچ معراج محمد خان دا کیہ مقام سی؟
2۔معراج محمد خان تے بھٹو دے اختلافاں نوں اج تساں کس نظر نال ویکھدے ہو؟
3۔کیہ طالب علماں نوں کیمپس دے باہر سیاستاں وچ لیانا چاہیدا ہے؟
4۔بائیں بازو نال معراج کیوں نہ چل سکے؟
5۔تحریک انصاف وچ جانا کیہ معراج دی غلطی سی؟
6۔پرویز مشرف دی حمائیت نوں تساں کس نظر نال ویکھدے ہو؟
7۔اج سول ملٹری بیلنس نوں تسی کس نظر نال ویکھدے ہو اتے ترقی پسنداں نوں ایس وچ کیہ پالیسی بنانی چاہیدی ہے؟
ریڈیو پروگرام لوک لہر دی ریکارڈنگ سنن لئی ایس لنک تے کلک کرو۔ ایہہ پروگرام ہر ہفتہ نوں پاکستانی ویلے مطابق دوپہری چار توں چھ وجے تیک ہر پیر نوں MastFM103تے ہوندا ہے اتے ایس نوں افصل ساحر تے عامر ریاض چلاندے نیں۔تسی ایس پروگرام نوں آن لین وی سن سکدے ہو۔
http://punjabpunch.blogspot.com/2017/02/miraj-m-khan-progressive-pakistani.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels