Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> جنوراں دی دوڑاں:سپریم کورٹ ڈکیا، تامل ناڈو اسمبلی اجازتاں دے دتیاں

جنوراں دی دوڑاں:سپریم کورٹ ڈکیا، تامل ناڈو اسمبلی اجازتاں دے دتیاں

February 5th, 2017

مالی تے جانی نقصاناں دی آڑ وچ روایئتی کھیڈاں نوں مکاونا اک کوڑ کم ہے۔انگریز جاندے جاندے سانوں کرکٹ تے لاگیا سی اتے اک سرکاری فایل پاروں کرکٹ ورگے کھیڈ ’’انگریز دے جاون بعدوں‘‘ انگریزاں دی حاکمیتاں دا نواں بوتھا سن۔ ساڈی پرانی کھیڈاں نوں کنج رگیدیا گیا اتے انہاں نوں کدی جہالت اتے کدی پینڈو سماج دی نشانیاں بناکے پیش کیتا گیا ایس توں اساں سارے جانو ہاں۔ جنور تے ساڈے ایتھے وسوں دا حصہ سن۔ انہاں نوں پالنا تے انہاں نال کھیڈنا عام سی۔ساڈے ویکھدے ویکھدے کڈیاں کھیڈاں دم توڑ چکیاں نیں، کیہہ کدی اساں ایس بارے کدی اک وار وی غور کیتا ہے؟ کیہہ کوئی کھیڈوی کدی ’’قدامتاں‘‘ یا ’’جدتاں‘‘ پاروں ویکھے جاندے نیں؟نویں کھیڈاں وی سماج وچ آوندیاں نیں پر جے اوہ پرانی کھیڈاں نوں رگیدے ہوئے کسے ایجنڈے پاروں آون تاں فیر اپنے آپ تے اک وار غور کرنا لوڑی دا ہے۔ یورپ وچ تے اوہ ہلے وی پرانی کھیڈاں نوں جاری رکھے ہوئے نیں اتے سنڈیاں نال گوری چمڑی والیاں نوں دوڑ دے اساں ویکھدے ہاں۔ پچھلی پیر نوں تامل ناڈو اسمبلی نیں سنڈیاں دی دوڑاں تے سپریم کورٹ دی پابندیاں خلاف نواں بل منظور کیتا اتے ہُن انہاں دوڑاں تے پابندیاں نوں مکادتا ہے۔ ساڈے ایتھے وی بسنت تے عدالتاں اجہی پابندیاں لائیاں سن۔تامل ناڈو صوبائی اسمبلی عدالتی حکم خلاف قنون بنالتا اتے لوکاں دی وڈی تعداد ایس فیصلے دے حق وچ ہے۔ ایس قنون بعدوں کرناٹک دی سرکار نے وی مرکز نوں انہاں دی روایئتی سنڈے دوڑاں والی کھیڈ تے لائی پابندی نوں مکاون دا آکھ دتا ہے۔ جنوراں دی ہمدردیاں اتے اجہی کھیڈاں وچ ہون والے مالی تے جانی نقصاناں دی آڑ وچ روایئتی کھیڈاں نوں مکاونا اک کوڑ کم ہے۔ وچلے راہ کڈھنے لوڑی دے نیں۔ کدی ایتھے ککڑاں دی لڑائیاں کروائی جاندیاں سن، کبڈی دے مقابلے ہوندے سن پرپھیر سانوں کرکٹ تے لایا گیا اک ایجنڈے پاروں۔پاکستان وچ وی جداں مشرف بسنت نوں اپنی جعلی ’’اعتدالی جدتاں‘‘ پاروں ورتیا تے اوس خلاف ’’بسنت مخالفتاں ‘‘دا کم چکیا گیا سی جس وچ مذہبی جماعتاں،میڈیا تے عدالتاں اگے اگے سن۔پر جہیڑے روائتی کھیڈاں دے خلاف نیں اوہ ایس نوں کسے ہور نظر نال ویکھدے نیں۔ عدالتاں ، میڈیا تے سیاسی جماعتاں نوں وچلے راہ کڈہنے چاہیدے نیں۔ سوال کرکٹ، گالف،ہاکی توں پچھے ہٹن دا نہیں سگوں بسنت، کبڈی جہیاں روائیتی کھیڈاں نوں چھڈن دا ہے۔ تساں ایس لنک تے کلک کروتے کجھ ویڈیوز وی ویکھو
https://video.scroll.in/827528/video-from-bulbul-fights-to-bullock-racing-there-are-demands-for-these-animal-sports-to-be-allowed


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels