Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ثالثی قنون منظور: اے ڈی آر بل لوکاں دے نکے موٹے جھگڑیاں نوں مکاسی۔

ثالثی قنون منظور: اے ڈی آر بل لوکاں دے نکے موٹے جھگڑیاں نوں مکاسی۔

وچار ڈیسک
February 5th, 2017

جدید دنیا وچ لوکاں دے ، نکے موٹے جھگڑیاں نوں آوٹ آف کورٹ مکاون دے قنونی راہ ہوندے نیں۔یورپ تے امریکہ وچ اجہے راہواں پاروں قنون وچ گنجیشاں ہوندیاں نیں۔ اینج اک تے لوکاں نوں انصاف بوہے تے مِل جاندا ہے اتے دوجا عدالتاں تے وی بھار نہیں رہندا۔ ایس نوں جھگڑے مکاون دا عوامی انصافی طریقہ آکھدے نیں اتے انگریزی وچ ایس دا ناں Alternative Dispute Resolution یعنی اے ڈی آر ہے۔ پاکستان وچ وی اک عرصہ توں ایس تے کم ہوریا سی جس نوں مصالحتی انجمناں دا ناں دتا جاندا سی۔انصاف تیک رسائیاں بارے جہیڑیاں کوششاں پچھلے دس، بارہ سالاں تو جاری سن اوس وچ اے ڈی آر بارے سب راضی سن۔ ہن قومی اسمبلی نے ایس حوالہ نال اک قنون دی وی منظوریاں دتیاں نیں۔ وفاقی وزیر قنون آکھیا ہے پئی ایس قنون پاروں 23 قسم دے مقامی جھیڑیاں نوں نمٹیا جاسی۔ ایس کم لئی ثالثاں نوں چنیا جائے گا۔ ایہہ ثالث صوبائی ہائی کورٹاں والے چنن گے اتے ہر ضلع وچ ثالث ہون گے۔ ایہہ ثالث سزاواں نہیں دے سکن گے سگوں سمجھوتے کروان گے۔ ثالثاں وچ وکیل وی رلتی ہون گے اتے رٹائر جج، سرکار کاملازم، سماجی کم کرن والے، عالم، ماہر وی ہون گے۔ شکائیت کرن والا اپنا مسئلہ اے ڈی آر سنٹر وچ کھلے گا۔ پی پی پی تے تحریک انصاف وی ایس قنون دی حمائیتاں کیتیاں۔ ممبراں زور دتا پئی زنانیاں نوں ثالثاں وچ بہتا کردار ملنا چاہیدا ہے کیونجے زیادہ تر جھیڑے خاندانی ہوندے نیں اتے زنانیاں نوں ہی اجہے مسلیاں دی زیادہ سمجھ ہوندی ہے۔ایس قنون پاروں جے کسی نوں ثالثاں دے فیصلے چنگے نہیں لگدے اوہ عدالت جاسکدا ہے۔ ایس قنون پاروں ہُن جرگے تے پنجائیتاں نوں وی اک سسٹم پاروں عدالتی نظام نال جوڑیا جارہیا ہے۔سیاسی قیادتاں جنج رل مل قنوناں بارے غور کر رہیاں نیں اوہ اک وڈی گل ہے اتے ایس نال سیاسی بندوبست تگڑا ہوئے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels