Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> جنسی زیادتیاں دے کیساں وچ ڈی این اے ٹیسٹ لازم ہوسی۔ سندھ اسمبلی دا وڈا فیصلہ پر میڈیا چپ

جنسی زیادتیاں دے کیساں وچ ڈی این اے ٹیسٹ لازم ہوسی۔ سندھ اسمبلی دا وڈا فیصلہ پر میڈیا چپ

وچار ڈیسک
February 3rd, 2017

کراچی:سندھ اسمبلی اک ہور چنگا قنون منظور کیتا ہے اتے ایس دا ناں کوڈ آف کریمنل پروسیجر (ترمیم شدہ) بل 2017 ہے۔ ایس قنون پاروں ہن جنسی زیادتیاں کرن والے بچ نہیں سکن گے کیونجے ڈی این اے ٹیسٹ نوں لازم آکھ دتا گیا ہے۔ سندھ اسمبلی نے ترے قنوناں دی منظوریاں دتیاں نیں اتے انہاں قنوناں دی کسے وی مخالفتاں نہیں کیتیاں۔کریمنل پروسیجر قنون پاروں پلس اجہے مقدمیاں وچ 72 گھنٹیاں اندر اندر ڈی این اے ٹیسٹ کروائے گی۔ سندھ اسمبلی وچ پی پی پی دے لیڈر نثار کھوڑو آکھیا پئی جنسی زیادتیاں دے مقدمیاں وچ ملزم شہادت نہ ہون پاروں بچالتاں جاندا سی یا گواہاں نوں دبا تے لالچاں پاروں چپ کرا دتا جاندا سی۔پر ہن ایس بل دی منظوریاں بعدوں ایہہ نہیں ہوسکے گا۔ سانوں جدید سائنس تے ڈیجیٹل ٹیکنالوجی دی مددنال مجرماں نوں پھڑن حوالے نال قنوناں نوں بدلنا ہوسی۔ ایم کیو ایم دے فیصل سبزواری وی ایس بل نوں اک ترقی پسند قدم آکھیا۔ مہتاب اکبر راشدی (مسلم لیگ۔ ف) ہیرسوہو تے ناہید بیگم (ایم کیو ایم)، ڈاکٹر سیما ضیا (تحریک انصاف) اتے وزیر شمیم ممتاز ہوراں وی بل دی حمائیتاں وچ گل کیتی۔ سندھ دے صحت دے وزیر ڈاکٹر سکندر مندہرو ایہہ آکھیا پئی سندھ وچ وی ڈی این اے ٹیسٹ دی لیبارٹری موجود ہے اتے لیاقت میڈیکل یونیورسٹی جام شورو وچ اک دن وچ دس ڈی این اے سمپلاں نوں ٹیسٹ کیتا جاسکدا ہے۔اسمبلی نوں ایس ڈی این اے لیباٹری بارے رپورٹ لینی چایدی ہے اتے جے ایس وچ گھاٹے نیں تاں ایس نوں پورا کرنا چاہیدا ہے۔ ہُن اسمبلی نوں ایس گل نوں یقینی بنانا چاہیدا ہے پئی کوئی وی بندہ اوس لیبارٹری دے رزلٹاں تے اثر انداز نہ ہوسکے۔ لہور تے اسلام آباد وچ اجیہاں لیباٹراں کم کررہیاں نیں پر لوڑ ایس گل دی ہے پئی پاکستان دے 15 وڈے شہراں وچ اجہی لیباٹریاں بنایاں جاون۔میڈیا ایس خبر نوں زیادہ اہمیتاں کیوں نہیں دتیاں ایس بارے وی غور کرنا لوڑی دا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels