Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> نیب دا ناں بدلو نہ بدلو، مشرفی قنون نوں بدلنا لوڑی دا ہے

نیب دا ناں بدلو نہ بدلو، مشرفی قنون نوں بدلنا لوڑی دا ہے

February 3rd, 2017

اج اک پارلیمانی کمیٹی وچ ایہہ گل ہوئی پئی نیب دا ناں نیشنل ا کاونٹی بیلٹی بیورو توں بدل کے نیشنل ا کاونٹی بیلٹی کمیشن (NCA) کردتا جائے ۔ایس کمیٹی دے اجلاس دی آگوائی وزیر قنون شاہد حامد کررہے سن۔ ایس گل تے وی اتفاق ہویا پئی نیب چیئرمین نوں چار دی تھاں تن سالاں لئی لایا جائے گا۔ کمیٹی وچ بنگلہ دیش، بھارت، ملائشیا، سنگاپور، جنوبی کوریا تے ہانگ کانگ دے احتسابی قنوناں تے وی جھات پائی گئی۔ اصل مسئلہ تے نیب دے قنون نوں سب لئی لانا ہے۔ مشرفی دور وچ نیب دا قنون ججاں، جرنیلاں تے نہیں لگدا سی۔ ویکھو ہُن نویں قنون نوں کنج عوامی مفاد پاروں چنگا کیتا جاندا ہے۔مجرماں نوں پھڑ کے انہاں نوں ق ۔لیگ تے پیٹریاٹ وچ گھلن نال پتہ چلدا ہے پئی مشرف نوں احتساباں نال کڈا پیار سی۔پھیر نیب دے قنون وچ پلی بارگین رکھیا گیا۔ایہہ پلی بارگین ویسے نرا نیب وچ ہی نہیں سگوں دوجے اداریاں وچ وی ہے۔پچھلے سال جداں سابقہ آرمی چیف راحیل شریف نے فوج دے چھ افسر رشوتاں پاروں کڈے سن انہاں نوں وی اک پلی بارگین بعدوں فارغ کیتا گیا سی۔اج سپریم کورٹ نے بلوچستان دے پرانے وزیر اعلی نواب رئیسانی نال پلی بارگین کرن تے نیب دی کھچائیاں کیتیاں پر سوال ایہہ ہے ایس بارے جداں قنون وچ گنجائشاں نیں تاں پھیر نرا نیب نوں رگیدن نال کم نہیں چل سی۔لیاقت علی خان، جنرل ایوب خان توں ضیا الحق تے جنرل مشرف تک سب نیں احتساباں دے ناں نوں ورتیا، بینظیر بھٹو تے نواز شریف نے ایس غلطی نوں منیا تے جمہوری میثاق وچ آزاد ادارہ بناون دی شق رکھی۔ اج اوس تے اسمبلی وچ رل مل کے انہاں نوں چنگا تے سب لئی احتسابی قنون بنانا چاہیدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels