Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> بار تے بینچ دا اک وڈا ناں جج سعید حسن پورے ہو گئے

بار تے بینچ دا اک وڈا ناں جج سعید حسن پورے ہو گئے

وچار ڈیسک
February 3rd, 2017

پاکستان وچ اجہے سول ملٹری افسر تے جج وی نے جنہاں جمہوری جدوجہداں وچ ہمش ڈکٹیٹراں نال سمجھوتے نہیں کیتے۔جنرل ٹکا خان پاکستان دے اوہ آرمی چیف سن جنہاں ضیا دے مارشلا وچ بھٹو دی بھانسی دے فیصلے خلاف لہور وچ گرفتاری وی دتی سی۔اپنے جج سعید حسن وی جداں ویکھیا پئی بھٹو دے مقدمے وچ کنج ضیا الحقیاں کیتیاں جا رہیاں نیں تے اوہناں نے ججی توں استعفی دے چھڈیا سی۔وڈے وڈے سورمے آئی صور تے کھلوندے نہیں اتے ’’سچا سودا‘‘ نہیں کر سکدے پر سعید حسن بار تے بینچ دی شان آکھوائے۔
1931دے سال مارچ دی پہلی تریخ نوں پنجاب دے شہر امرتسر جمے سعید حسن جڑواں شہراں لہور تے امرتسر دا لشکارا سن۔برطانیہ توں قنون پڑھ کے آئے اتے جمہوریت تے سودے بازی کدی نہ کیتی۔1973تے1985وچ دو وار لہور ہائی کورٹ بار دے صدر بنن والے سعید ہوری انہاں لوکاں وچ رلتی سن جنہاں بدترین آمریت ویلے لہور دے گول باغ وچ بھٹو دا جنازہ پڑھوان دا آہر کیتا۔ اوہ پی پی پی دے سیکٹری جنرل وی بنے۔مشرف آمریت وچ اوہ جمہوری قوتاں ولوں سپریم کورٹ ایسوسی ایشن دے صدر دا الیکشن لڑے۔انہاں دا مقابلہ بدنام جج ملک قیوم نال سی۔حامد خان گروپ نے ملک قیوم دا ساتھ دے کے سعید حسن نوں ہرا دتا پر جج سعید نوں جمہوریت دی حمائیتاں توں کوئی ڈک نہ سکیا۔انہاں دے قل کل لارنس باغ ہون گے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels