Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> اورنج ٹرین دے ست مزدور اگ لگن نال مرگئے، 14 زخمی

اورنج ٹرین دے ست مزدور اگ لگن نال مرگئے، 14 زخمی

وچار ڈیسک
January 12th, 2017

لہور: اورنج ٹرین وچ کم کرن والے مزدوراں دی موت نے طوفان مچادتا۔ حبیب کنسٹرکشن سروسز (HCS) چوبرجی توں ڈیرہ گجراں تیک دے سیکشن وچ کم کررہی ہے۔ اچانک بلڈنگ دے دوجے فلور تے اگ لگ گئی اتے ویکھدے ہی ویکھدے ایڈی پھیل گئی پئی مزدوراں نوں نکلن دا موقعہ وی نہ ملیا۔ دو مزدوراں دوجے فلور توں چھالاں لادتیاں اتے دونویں مرگئے۔ جیہڑے چھالاں نہ لاسکے اوہ سڑ کے مرگئے یا پھیر بھیڑی طراں سڑے ہوئے نیں۔ زیادہ ترکم کرن والیاں دی عمراں 15 توں 18 سال جے۔ریسکیو 1122 والیاں ست لاشاں چکیاں نیں پر ہلے تیک کسے دی شناخت نہیں ہوئی۔ زخمیاں نوں کوٹ خواجہ سعید اتے شالیمار ہسپتال لیجایا گیا ہے۔ کجھ لوکاں دا آکھنا ہے پئی اگ گیس سلنڈر نال لگی ہے۔ لہور دے لارڈ مئیر کرنل (ر) مبشر جاوید انکوائری دا حکم دتا ہے۔ اک حقائق جانن والی کمیٹی ترے دناں وچ رپورٹ دے گی۔ ایچ سی ایس دے سی ای اہ شاہد سلیم دا آکھنا ہے پئی ایہہ گل سجھ توں باہر ہے پئی اگ ایڈی تیزیاں نال کنج پھیلی، کیونجے اگ نوں ہشیاری دین والی کوئی شئے اتھے نہیں سی۔ انکوائری رپورٹ نوں اڈیکاں گے۔اک پاسے عدالتاں پاروں ایس پراجیکٹ دا کم لمکیا ہویا ہے تے مقامی لوکاں دی شامت آئی ہوئی ہے دوجے پاسے اجہے حادثے کم نوں ہور چوڑ کر رہے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels