Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پنجاب توں پنجاب: 4 فروری دی چوناں لئی پڑ لگ گیا جے۔کیہہ مودی بادل جھٹکا ہو سی؟

پنجاب توں پنجاب: 4 فروری دی چوناں لئی پڑ لگ گیا جے۔کیہہ مودی بادل جھٹکا ہو سی؟

January 12th, 2017

بھارتی پنجاب وچ چوناں نیڑے آگیاں نیں۔ فروری دی 4 تریخ نوں پنجابی 117 سیٹاں لئی ووٹ پاون گے۔ انہاں چوناں دا رزلٹ مارچ وچ آسی۔ چوناں دے رزلٹاں وچ ایڈے دناں دا فاصلہ بہوں عجیب لگدا ہے۔ 1966 وچ بھارتی پنجاب دے ترے ٹوٹے کردتے گئے سن جس دے بعد بھارتی پنجاب پہلا سکھ اکثریتی صوبہ بنیا۔ ایس صوبہ وچ ہن 58 فیصدی سکھ رہندے نیں۔ 2014 وچ ایتھے ہون والیاں قومی چوناں وچ پنجاب دی 13 وچوں نریاں 2 سیٹاں حکمران بی جے پی جت سکی سی۔ باقی یاراں سیٹاں وچ وچ عام آدمی پارٹی تے شرومنی اکالی دل نے چار چار سیٹاں جیتاں سن۔ کانگرس نوں وی دوسیٹاں ہی لبھیاں سن۔ پر جو ماڑا حال کانگرس دا باقی بھارت وچ ہویا سی اس دے مقابلے وچ ایہہ وی بڑیاں سن۔عام آدمی پارٹی تاں مارے کششاں رکھدی ہے کیونجے باد ل ہوری پنجاب دے ’’باپو‘‘ بن چکے نیں اتے اوہناں ثابت کیتا ہے پئی دلی دے تخت تے بھانویں اورنگ زیب بیٹھے یا شیوا جی، بادل ہوری ہر کسے نال ’’جھپیاں‘‘ پاسکدے نیں۔مودی دی چڑھتل دا ویلہ مک رہیا جے تے جے اوہ ڈگا تے بادل ہوراں دے اْتے ہی ڈگ سی۔ ایس وار ہون والی چوناں وچ اک نئی لہر وی ہے جہیڑی کھبے والیاں نوں وی آپدے ول کھچن دی اہلیتاں رکھدی ہے۔ایس نویں تگڑی ہوندی لہر دی آگو بھوجن سماج پارٹی ہے۔ بھوجن دا مطلب اکثریتاں والا ہوندا ہے۔ اتے ایس پارٹی دا دعوٰی ہے پئی شودر، دلت، چمارہی بھارت وچ سب توں وادھو گنتری وچ نیں۔ ایہہ پارٹی ذات پات دے خلاف ہے اتے بھارت دی اقلتیاں وچ وی ایس دا اثر ہے۔ لفظ بھوجن وی بدھ مت دی لٹریچر چوں لتا گیا ہے اتے برہمناں دے خلاف بغاوتاں دی علامت ہے۔پنجاب دی سیاستاں وچ جوگی صوفی ریت پاروں ہمش مصلیاں، شودراں تے ماڑیاں دی گل کرن دی گنجائشاں وادھو رہیاں نیں۔ 2012 وچ بھوجن سماج پارٹی نے یوپی توں 80 سیٹاں جتیاں سن۔ یوپی تے پنجاب دے باڈراں تے ایس اثر وادھو۔ پنجاب دی تھاں روپڑ وچ جمے کانشی رام نے ایس پارٹی نوں 1984 وچ بنایا سی اتے مایا وتی ایس پارٹی دی لیڈر ہے جیہڑی چار واری یوپی دی وزیر اعلیٰ بن چکی ہے۔ پچھلے دو سالاں توں ایہہ پارٹی آپدی جنم بھوئیں نواں شہر (روپڑ دے نیڑے) توں پنجاب وچ کم نوں زیادہ چکیا اتے پنجاب بچاؤ لہر شروع کیتی سی۔ اوہ کیچری وال نوں بنیا اتے اکالی، بی جے پی اتحاد نوں دلت مخالف گٹھ بندی آکھدی ہے۔ پچھلے دناں انہاں پنڈ پنڈ چلو لہر وی شروع کیتی سی۔ بی جے پی تے اکالی دل دے اتحاد نوں پرکاش سنگھ بادل ہیڈ کردا ہے اتے 2007 توں پنجاب دا وزیر اعلیٰ ہے۔ اوہ 5 ویں وار ایہہ پوسٹ لتی ہے اتے گور دوارہ پر بندھ کمیٹی دی سیاست دا ’’گھما‘‘ جے۔مودی اوس دا اتحادی ہے جہیڑا پاکستان تے کشمیر دشمنیاں وچ آپدی سیاستاں نوں ودھا رہیا ہے۔مودی سرکار پنجاب تے یوپی دی چوناں جتن لئی آپدا زور لارہی ہے اتے جے اوہ پنجاب وچ ہارگئی تاں فیر یوپی دی شکستاں ول گل ودھ جاسی۔ جلیانوالہ باغ وانگ اک وار پھیر پنجاب ’’ہند‘‘ دی سیاستاں نوں بدل سکدا ہے۔تاں مارے مودی سرکار پاکستانی باڈر تے ’’ہل جل‘‘ کروارہی جے پر اک ’’تیغ بہادر‘‘ اوس دی سیاستاں نوں ایکپوز کرن لئی کافی ہے۔ٹاڈا ڈاکہ کیس دے قیدیاں نوں چھڈن دا مطلب وی ایہو ہے پئی ’’چوراسی دا بھوت‘‘اج وی انڈیا تے منڈلاندا پیا ہے اتے کنج جھوٹے مقدمے سیاسی لوڑاں پاروں بن دے رہے نیں اتے بادل ایس سیاست دا موڈھی ہے۔ایہہ رہائیاں ایس گل دا ثبوت پئی مودی بادل پریشان جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels