Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> سول، ملٹری بیورو کریٹ اتے رٹائرمنٹاں بعدوں نوکریاں۔ راحیل شریف دی نوکری

سول، ملٹری بیورو کریٹ اتے رٹائرمنٹاں بعدوں نوکریاں۔ راحیل شریف دی نوکری

January 11th, 2017

پاکستان دے رٹائر آرمی چیف نویں بنن والے عالمی سعودی اتحاد دے کمانڈر ان چیف بنن گے یا نہیں پر ایس خبر نے پاکستان وچ اک پرانی بحث نوں زندہ ضرور کردتا ہے۔ اجہی بحثاں پاکستان وچ نہیں ہوندیاں پر اج کل ہورہیاں نیں۔ پر ایہناں بحثاں وچ دو گلاں رل مل گیا نیں اتے اوہناں نوں وکھرا وکھرا کیتے بغیر ایہہ بحثاں وی ہنیرے وچ ٹکراں ہی رہن گیاں۔ اک مسئلہ تے عالمی سعودی اتحاد دا ہے جیہڑا ’’ہے یا نہیں ہے‘‘ والی شکل وچ موجود ہے۔ پاکستان ایس وچ رلتی ہے یا نہیں؟ ایس بارے وی کجھ پتہ نہیں۔ اک ایسے ویلے جدوں قازقستان وچ روس، چین رل مل کے ساریاں شامی دھڑیاں نوں اک ٹیبل تے بٹھاون دی تیاریاں کررہے نیں، ایس اتحاد دی کیہڑی اہمتیاں رہ جان گیاں؟ ایہہ سوال آپدی تھاں اہم جے۔ کیہ ایہہ سعودی عرب دی آپدی عزتاں بچاون دا اک وطیرہ ہے؟ جیہڑے لوک ودھ چڑھ کے ایس نوں فرقو رنگ دے رہے نیں اوہ اوہی نیں جہناں شام تے عراق وچ فرقو پالیسیاں پاروں اسد دی حمائیت تے صدام وی مخالفتاں کیتیاں سن۔ اتحاد دی مخالفتاں، اتحاد وچ رلن دی مخالفتاں اتے نوکری وکھرے وکھرے مسلے نیں۔ ایس مسئلہ نال جڑیا دوجا سوال پاکستان لئی اہمتیاں رکھدا ہے اتے اکثر ایس توں کنی کترائی جاندی ہے۔ پاکستان وچ وڈے تے اہم عہدیاں توں رٹائر ہون والے بھانویں سول دے ہون یا فوج دے، اوہ بعد وچ کیہ کردے نیں؟ اوہناں نوں کیہ نہیں کرنا چاہیدا؟ ایس بارے گل ہونی لوڑی دی ہے۔ گل نری سول، ملٹری افسراں دی نہیں سگوں سانوں شوکت عزیز تے معین قریشی وی یاد نیں۔ پاکستان دے وفاقی سیکٹریاں دی لسٹاں وی بناؤ جیہڑے امریکہ، برطانیہ دے تھنک ٹینکاں وچ جا کے پاکستان اتے خطہ بارے پالیسیاں بناندے نیں۔ ایس وچ خارجہ، داخلہ دے سارے سیکٹریاں نوں رلتی کرچھڈو تے لگ پتہ جائے گا۔ ایہہ گل سامنے رکھ کے تسی ایہہ وی ویکھو پئی دنیا وچ ایس مسئلہ نوں کنج حل کیتا جاندا ہے؟ آخر پاکستان اکلا ملک تے نہیں جس نوں اجہی صورتحال دا سامنا کرنا پیندا ہے؟ ہر ملک وچ اجہے اہم عہدے ہوندے نیں جتھے بندیاں نوں اہم ملکی رازاں بارے،پالیسیاں بارے پتہ ہوندا ہے۔ امریکہ، برطانیہ، روس، چین، بھارت وچ وی ایس مسئلے نوں ایڈریس کیتا ہوسی۔ ایہو اک ذمہ وار ریاست لئی لوڑی دا ہے۔ راحیل شریف نوکری کرن یانہ کرن پر جے ایس موقع تے اک پرانی اہم بحث نوں پورا کرسکیے تے چنگا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels