Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> اک چنگا کم:کھسریاں دی مردم شماریاں وچ رلت

اک چنگا کم:کھسریاں دی مردم شماریاں وچ رلت

وچار ڈیسک
January 10th, 2017

2017 وچ ہون والی مردم شماریاں وچ ایس وار کھسریاں(Transgender) وغیرہ لئی اک وکھرا خانہ ہوسی۔ حیران نہ ہونا، پرانی مردم شماریاں وچ کھسریاں نوں معذوراں دے خانے وچ شامل کیتا جاندا سی۔ ایہہ گلاں لہور ہائی کورٹ نوں ڈپٹی اٹارنی جنرل ہورا دسیاں۔ کھسریاں دی برادری نے لہور ہائی کورٹ وچ اک مقدمہ کیتا ہویا ہے جس وچ انہاں آپدے حقاں لئی عدالتاں توں مدد منگی ہے۔ 2011 وچ سپریم کورٹ نے کھسریاں وغیرہ دے حوالیاں نال تریخی فیصلہ کیتا سی اتے حکومت نوں آکھیا سی پئی انہاں دے شناختی کارڈ بنائے اتے شناختی کارڈ وچ مرد، عورت دے خانیاں نال انہاں دا خانہ وی ہونا چاہیدا ہے۔ شناختاں لبھن بعدوں حقاں دا سوال حل کرنا ہن ریاست پاکستان دی اک قنونی ذمہ داری ہوچکی ہے اتے لہور ہوئی کورٹ ایسے پاسے سرکار دا دھیان دوایا ہے۔ ایہہ پہلی مانو گنتری (Census) ہوسی جس پاروں سانوں پتہ چلے گا پئی پاکستان وچ مرد تے عورتاں توں علاوہ دوجیاں دی کڈی تعداد رہندی ہے۔ ویسے تے 2017 دی مردم شماری 18 سالاں بعدوں ہورہی ہے۔ 1998 وچ پاکستان دی آبادی 13 کڑوڑ 20 لکھ سی اتے اج اک اندازہ موجب آبادی 20 کڑوڑ توں وادھو ہے۔ پاکستان آبادی پاروں دنیا دا 6 واں وڈا ملک جے۔ سیانے ایہہ گل آکھدے نیں کہ جے پاکستان وچ یونین کونسلاں دا ترت بندوبست بن جائے تے اجہیا بندوبست وی بنایا جاسکدا ہے پئی ہر سال سرکار نوں آبادی بارے مکمل انفارمیشن آپ دی آپ لبھدی رہے۔ اینج ہر 10 سال بعد مانو گنتری دی لوڑ وی نہ رہے گی اتے بہوں پیڑاں وی آپدے آپ مکایاں جاسکدیاں نیں۔ ایس بارے پارلیمنٹ نوں گوہ کرنا لوڑی دا ہے۔ذرا غور کرو، ساڈے مہان لغتاں وچ Transgender لئی کوئی چنگا لفظ وی نہیں جداں کہ ایہہ برادری اک لمیرے چر توں ایتھے رہندی جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels