Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> فاٹا :نواں صوبہ یا خیبر پی کے دا عارضی حصہ ۔کون کس نوں تھلے لانا چاہندا ہے؟

فاٹا :نواں صوبہ یا خیبر پی کے دا عارضی حصہ ۔کون کس نوں تھلے لانا چاہندا ہے؟

وچار ڈیسک
January 7th, 2017

خبر موجب فاٹا نوں خیبر پی کے دے انتظامی کنٹرول وچ دین والا پلان تیاریاں وچ ہے۔ وفاقی کابینہ فیصلے کرن لئی اگلے ہفتہ توں بیٹھے گی۔ فاٹا وچ ریفارمز بارے کم کررہی کمیٹی دے آگو سرتاج عزیز نیں اتے انہاں نال میٹنگ بعدوں فرنٹیٹر ریجن دے وزیر جنرل (ر) عبدالقادر ایہہ گلاں میڈیا نوں دسیاں نیں پئی گل توڑ چڑھ جا سی۔ ایہہ کمیٹی 8نومبر2016 نوں بنائی گئی سی۔ پنج سالاں لئی فاٹا نوں خیبر پی کے دے عارضی کنٹرول وچ دتا جاسی۔ قومی اسمبلی دی کمیٹی اک رپورٹ دتی سی جس تے محمود اچکزئی، جماعت اسلامی تے مولانا فضل الرحمن نوں مسئلے سن۔ میاں نواز شریف دی مداخلتاں بعد اک تصفیہہ کرلتا گیا ہے۔ پر فاٹا دا وڈا مسئلہ اک ہوروی ہے جس وچ ملاکنڈ تے ہزراہ ڈویژن اتے ڈی آئی خان تے پشور دے غیرپختون پھسے ہوئے نیں۔ نہ تے صوبہ دے ناں وچ انہاں دا کوئی حصہ ہے اتے دوجے پاسے بڑی ہشیاریاں نال غیرپختوناں دے لہجیاں نوں ونڈ کے پشتو بولن والیاں دے تناسباں نوں پچھلے دور وچ ودھائیاگیا سی۔ انہاں نوں لگدا ہے ہن فاٹا دے رلن نال انہاں دا تناسب ہور گھٹ ہوجاسی ۔ایس کم نوں چوڑ ایس گل کیتا ہے پئی افغان مہاجرین نوں وی واپس گھلن لئی تیار نہیں۔ فاٹا دے وڈے وڈے مسلیاں وچ ایف سی آر ورگے قنوناں نوں مکانا، ایتھے عام پاکستانی قنوناں نوں لانا، سمگلنگ نوں مکاکے انہاں نوں نویں روزگار دیناتے ایتھے سکول، کالج، تھانے، ہسپتال بنانا ہے۔ پر سمگلنگ نوں مکاون لئی کوئی وڈا قدم چکے بغیر ایس نوں خیبر پی کے نال رلاون نال کیہ مسئلہ ہور چوڑا نہ ہوجاسی؟
قومی اسمبلی نوں دسیا گیا ہے پئی ریاست 15 وار فاٹا وچ ریفارمز کرن دی ناکام کوششاں کر چکی ہے۔ کیہ ایہہ 16 ویں ناکام کوشش ہوسی؟فاٹا والیاں دا کیہ قصور ہے؟ ایہہ تھاواں سمگلراں، جسوساں تے جہادیاں لئی اوپن نیں۔سب ہی انہاں تھاواں نوں ورتدے نیں۔جے دھیان نہ دتا تے کتھے خیبر پی کے وی فاٹا نہ بن جا سی۔تساں پہلے سیاسی ریفارنز کردے،بلدیاتی چوناں راہیں نویں سیاست لئی نرسریاں بناندے ایس نوں سیکورٹی وچ حصہ دار بناندے۔سیکورٹی وچ عام لوکاں دی رلت نال سیاسی جتھے بندی تگڑی ہون نال نواں بندوبست بن دا۔ انہاں دی تھاواں تے قبصہ تے سمگلراں، جسوساں تے جہادیاں دا ہے اتے انہاں گروہاں کول رقماں وادھو ہوندیاں نیں تاں اوہ کنج بندوبست نوں چلن دین گے۔ ایس دا مقابلہ تے سیاسی جتھے بندیاں نال ہی ہوسکدا ہے جیہڑیاں گراؤنڈ تے موجود ہون۔ انتظامی عارضی کنٹرول نال صوبہ دی سرکار دا رانجھا راضی ہوجائے گا پر فاٹا والیاں نوں کیہ لبھے گا، ایہہ وڈا سوال ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels