Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پانامہ کیس: جدوں دونویں پھسن گے تاں ہی نسن گے۔۔شوہدی اشرافیہ موجاں وچ

پانامہ کیس: جدوں دونویں پھسن گے تاں ہی نسن گے۔۔شوہدی اشرافیہ موجاں وچ

January 6th, 2017

سپریم کورٹ وچ جاری پانامہ کیس وچ کدی مسلم لیگ (ن) تے کدی پی ٹی آئی دی ’’بیستیاں‘‘ جاری پئی عدالتاں وی کیہ کرن۔ دو پاسے آف شور والے نیں اتے اجہی آف شور کمپنیاں بناون والیاں وچ ججاں تے وکیلاں دے ناں وی نیں۔ نری پامہ دی لسٹ وچ اک حاضر سروس تے اک رٹائر جج دا ناں وی آچکیا ہے اتے میڈیا مالکان دے ناں وی نیں۔ 600 پاکستانیاں وچ کون کون رلتی ہے، کس دے بھراتے بیویاں نیں، کڈیاں دے رشتے ناطے سول ملٹری بیوروکریٹاں نال ملدے نیں اتے بزنس مین تے وادھو، ایس نوں سب جاندے نیں۔ ایہہ سارے ٹیکس چوری دی ’’جنتاں‘‘ دے مکین نیں۔ ایس مقدمے پاروں اوہ سب خش نیں پئی ایہہ آپسی لڑائیاں وچ رجھے رہن تے 599 پاکستان دے عالمی ٹیکس چوراں ول کسی دا دھیان ہی نہ جائے۔ سارا بھار عدالتاں تے پایا ہویا ہے پر انہاں وی ’’بیستی پرگرام‘‘ راہیں آپدا رانجھا راضی کیتا ہویا ہے۔ اصل مسئلہ تے ٹیکس چوری دی رقماں لین دا ہے پر اوس بارے تے گل ہی نہیں ہورہی۔ جے عدالتاں 599 بندیاں توں 10/5 بندیاں نوں وی سد لے تے سب تیر ہوجاون گے۔ ایہہ اوہی کھیڈ ہے جیہڑا 1950 دے دہاکے توں ایس ملک وچ جارہی ہے اتے ایوب خان دے آف شور اکائنٹاں دی گل وی اساں سن چکے ہاں۔ 1988 بعدوں ایہو الزام پی پی پی تے لگا سی اتے نواز شریف تے پی آئی ٹی والے 1990 دے دہاکیاں وچ ایس نوں دھراندے سن۔پر جدوں چگھا چکیا گیا تاں سب نظرآگئے۔ آف شور وچ جدوں سب رلتی نیں تاں فیر عدالتاں کیہ کرن؟ امریکہ وچ الگور تے بش دی چوناں تے جدوں رولا پیا تے دونوں عدالتاں کول گئے سن۔ عدالتاں انہاں دوناں نوں سمجھایا سی پئی سانوں پتہ ہے تساں الیکشن وچ رقماں کنج خرچدے ہو؟ جے اساں فیصلہ دتا تے دوناں نوں ’’کن‘‘ ہوجا سن۔ چنگی گل ہے تساں آپس وچ نبڑلو۔ بس دوناں ہی ’’بیستی پروگرام‘‘ بعدوں دوڑ دْوڑ گئے۔ بس پانامہ کیس وی اک ’’بیستی پروگرام ہے، ویکھو کدوں تیک چلدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels