Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> انتہا پسندیاں خلاف ضرب قلم کون لڑ سی؟پرانے بیانیے نوں بدلنا ہوسی

انتہا پسندیاں خلاف ضرب قلم کون لڑ سی؟پرانے بیانیے نوں بدلنا ہوسی

January 5th, 2017

اسلام آباد: اج وزیراعظم میاں نواز شریف نیں’’ضرب قلم‘‘لڑن دااعلان کیتا ہے اتے ایس کم لئی 50کڑوڑ دی رقم وی رکھی ہے۔اوہ اج ادیباں، شاعراں دے پردھان ادارے اکیڈمی آف لیٹرز دے عالمی کانفرنس تے تقریر کر رہے سن۔ایہہ کانفرنس انتہا پسندیاں خلاف بلوائی گئی سی اتے ایس وچ دوجے ملکاں توں وی پروہنے آئے سن۔ویچارہ اکیڈمی آف لیٹرز، حکم دا غلام، پی ٹی وی وانگ صاحب سرکار لئی تیار، ایہہ اجہے کماں لئی نہیں۔افغان جہاد تعریفاں کرن والے ایس کانفرنس دے پردھان سن، بس ایہو کافی ہے۔میاں ہوری تے جمہوری میثاقاں نال جڑے نیں پر جداں تک انہاں دے آل دوال والے اوس سمجھوتے دی ساریاں شقاں تے اتفاق نہیں کردے، ضرب قلم وی اک میڈیا شو ہی رہے گی۔قومی ایکشن پلان وانگ ایہہ چنگا اعلان ضرور ہے پر ایس تے پارلیمنٹ دا رلواں سیشن بلا کے قومی تصفیہ تے کراؤ۔بیانیہ بدلے بغیرایہہ ’’ضرب‘‘ وی ماٹھی رہے گی۔سکولاں، کالجاں تے یونیورسٹیاں وچ جو پڑھایا جا رہیا ہے اوہ ’’ضرباں‘‘ دا الٹ جے اتے ایس بارے کون جھات مارے گا؟ات گردیاں دی ماں انتہا پسندی جے اتے ایس نوں مکاون دی گل کرنا چنگا قدم جے پر ایہہ پرویز مشرف دی’’روشن خیال اعتدال پسندیاں‘‘ وانگ پھوکا فائر نہیں ہونا چاہیدا سگوں سب نال جڑ کے اتے چونویں سرکاراں نوں رلا کے پکا پیڈا کم ہونا چاہیدا جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels