Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> نواز دے مقابلیاں تے شہباز زیرو ہے۔اپوزیشن نوں سارا زورالیکشن ریفارمز تے لانا چاہیدا ہے۔چوہدری شجاعت

نواز دے مقابلیاں تے شہباز زیرو ہے۔اپوزیشن نوں سارا زورالیکشن ریفارمز تے لانا چاہیدا ہے۔چوہدری شجاعت

وچار ڈیسک
January 3rd, 2017

اک ٹی وی چینل نوں انٹرویو دیندے ہوئے ق۔لیگ دے پردھان چوہدری شجاعت آکھیا اج سب توں وڈا مسئلہ الیکشن ریفارمز نیں۔میں عمران خان نوں وی آکھیا ہے کہ اوہ انتخابی اصلاحواں لئی اے پی سی بلوائے۔ہن سارا دارومدارالیکشن ریفارمزتے ہے۔اپوزیشن ڈیڑھ اٹ دی مسیتاں دی تھاں رل مل کم کرے۔جے چوناں الیکشن ریفارمز توں بغیر ہون گیاں تاں سب نوں انہاں دا بائیکاٹ کرنا ہوئے گا۔قومی ایکشن پلان بارے انہاں آکھیا پئی صوبیاں دی نااہلیاں پاروں اوس تے عمل نہیں ہو سکیا۔اوہ سی۔پیک نوں پاکستان لئی بہوں اہم سمجھدے نیں۔’’ساڈا بندہ(مشاہد حسین)قومی مفاد وچ حکومت دی مدد کر رہیا جے۔‘‘ملک وچ وزیر خارجہ لاون دے سوال بعدوں انہاں آکھیا پئی ملک وچ وزیر خارجہ تے ہے اتے اوہ نواز شریف ہے۔ملکاں دے سربراہاں دے ذاتی تعلق وی ہوندے نیں۔جے نواز شریف دے مودی نال تعلقات نیں تے اوہ مودی نوں اجہیاں حرکتاں توں ڈکن۔‘‘پانامہ بارے چوہدری ہوراں آکھیا کہ جے ثبوت ہون گے تے سزا وی ہو جا سی۔عدالتاں وچ ثبوتاں توں بغیرہوا وچ فیصلے نہیں ہو سکدے۔نواز شریف تے شہباز شریف وچ مقابلے کردے ہوئے انہاںآکھیا پئی ن۔لیگ وچ سارے فیصلے نواز شریف کردا ہے اتے اوس دے مقابلیاں تے شہباز زیرو ہے۔2018 دی چوناں بارے چوہدری ہوراں دا آکھنا سی پئی اساں اج وی دوجی وڈی پارٹی ہاں۔ جس نوں چیک کرنا ہے اوہ پنجاب وچ بلدیاتی چوناں دا رزلٹ ویکھ لے۔مئیر، ضلع کونسلاں دے چیرمین، یونین کونسلاں دے پردھان، ن۔لیگ بعدوں ساڈا نمبر ہے اتے ساڈے بعد پی ٹی آئی آندی جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels