Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> استنبول وچ نویں سال تے بندے اساں مارے سن۔ دولت اسلامیہ

استنبول وچ نویں سال تے بندے اساں مارے سن۔ دولت اسلامیہ

وچار ڈیسک
January 2nd, 2017

مصر توں خبر آئی ہے پئی نیو ائیر دے موقعہ تے ترکی دے وچلے شہر استنبول وچ فائرنگ کرن والا بندہ دولت اسلامیہ والیاں گھلیا سی۔ کجھ لوکاں دا خیال ہے پئی اوہ وچلے ایشیائی ملکاں توں آیا سی۔ایس دی فائرنگ نال 39بندے مرگئے اتے 69 زخمی ہوئے سن۔ ایس قتلام وچ مرن والیاں وچ سعودی، انڈین تے دوجے غیر ملکی وی رلتی سن۔ ات گرداں دی ایس جتھے بندی یعنی ’’دولت اسلامیہ ‘‘نے اک ٹیلی گرام راہیں ایہہ گلاں کیتیاں نیں جس وچ لکھیا گیا ہے پئی ساڈے اک نابر نے مسیحاں نوں ماریا ہے۔ پر کیہہ مرن والے لبنانی، اردنی، سعودی تے انڈین سب مسیحی سن؟اخیری خبراں موجب مجرم ہن تیک گرفتار نہیں کیتا جاسکیا۔ کیونجے اجکل شام وچ امن لئی سب دھڑے راضی نیں اتے قازقستان امن کانفرنس وچ سعودی عرب تے قطر وی رلتی ہو رہے نیں تاں مارے دولت اسلامیہ دے اضطراباں دی سمجھ آندی جے۔ مرن والیاں وچ سعودی عرب سنے عرباں دی گنتری وادھو جے۔کل تیک ایہہ گل کیتی جاندی سی پئی ایران شامی سرکار تے اس دے حمائیتی گروپاں اتے سعودی عرب تے ترکی شام مخالف وکھرے وکھرے باغیاں دے گروپاں دی مدداں کر رہے سن۔پر اج گل ہور جے۔ کیہہ ایہہ دولت اسلامیہ دا نواں روپ اتے ا من مذاکرات نوں ناکام کرن دا پیغام ہے۔اینج جاپدا ہے پئی امن مذاکرات دے خلاف دولت اسلامیہ ہن ہر کسے نال لڑن نوں تیار نیں۔ ترکی دے اخبار نے مرن والیاں وچ 25 توں وادھو غیر ملکیاں بارے خبر دتی ہے اتے ایس وچ سعودی عرب، اُردن، کویت، لیبیا تے مراکو دے بندیاں دے مرن بارے وی گل کیتی ہے۔ ایہہ وقوعہ ترکی تے وی پریشر ہے اتے سعودی عرب تے وی کہ اوہ امن مذاکرات دی حمائیتاں توں پرے رہن۔ اک فرانسیسی میڈیا گروپ ’’فرانس24‘‘ نے وی ایہہ دسیا ہے پئی مرن والیاں وچ ادھے توں وادھو غیر ملکی سن اتے زخمی ہون والیاں وچ غیر ملکی سفارتکار وی رلتی نیں۔ سعودی حکام آکھ رہے نیں پئی ہن تیک ترکی والیاں پوری خبراں نہیں دتیاں۔ ہلے تیک دو زنانیاں سنے 5سعودی شہریاں دی موتاں دی تصدیقاں ہوئیاں نے اتے 11سعودی زخمی وی نیں۔ اُردن، عراق تے لبنان دے سرکاری حلقیاں وی ترے ترے شہریاں دے مرن دی تصدیقاں کیتیاں نیں۔جنوری دے اخیر وچ قازقستان اجلاس دی سب نوں اڈیک جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels