Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> شوسینا: پاکستانی وزیراعظم نوں جنم دیہاڑ دی مبارک باد تے مودی اُتے تنقیداں

شوسینا: پاکستانی وزیراعظم نوں جنم دیہاڑ دی مبارک باد تے مودی اُتے تنقیداں

وچار ڈیسک
December 28th, 2016

این ڈی ٹی وی: پاکستان تے بھارت دے بنیاد پرستاں دارلواں ایجنڈا ایہو ہے پئی دونوں ملکاں وچ امن نہ ہوئے تے جنگی اتے مذہبی جنوناں وچ سب غرق رہن۔ دوپاسے ہندو مسلم بنیاد پرستیاں نال کھیڈن والے اکو جہی زبان بولدے نیں پر مسئلہ اس ویلے گڑ بڑ ہوجاندا ہے جداں ایس کھیڈ وچ آپ نوں سیکولر اکھاون والے وی رلتی جاندے نیں۔ شوسینا بھارتی وزیراعظم نریندر مودی ہوراں نال اوہو کیتا جو مودی ہوراں کانگرس نال کیتا سی۔ بھارتی بنیاد پرست جتھے بندی شیوسینا ( شیو دیوتا دی فوج) بھارتی وزیراعظم مودی خلاف سخت تنقیداں کیتیاں اتے اوہناں نوں 17 ویں صدی دے ہندو بنیاد پرستاں دا ہیرو ’’شیوا جی‘‘ وی یاد دواندے ہوئے آکھیا پئی کیہہ شیوا جی نے کدی اورنگ زیب، افضل خان تے شائستہ خان نوں مبارک باداں گھلیاں سن۔ شیو سینا ایہہ گل بھل جانا چاہندی ہے کہ اورنگ زیب دے دربار وچ کڈے ہندو امراء سن اتے شیوا جی خلاف 1665 دی جنگ وچ اورنگ زیب نے ریاست امبر دے راجہ جے سنگھ نوں ہی گھلیا سی جہیڑا ہندو سی۔ اورنگ زیب تے آپدی 50 سالہ حکمرانیاں وچ بہوں سارے مسلمان راجیاں خلاف وی مہماں اساریاں سن۔ شیوا جی نوں شیو سینا انج ہی ورتدی ہے پئی جس طرح اسلامی بنیاد پرست نادر شاہ تے احمد شاہ نوں ورتدے نیں۔ شوسینا مودی تے ایس لئی تنقیداں کیتیاں پئی اوس نے پاکستانی وزیراعظم نوازشریف نوں سالگرہ تے ودھائیاں دیتیاں سن۔ ایہو کم پاکستان وچ بنیاد پرست وی کردے نیں۔ ہن پی پی پی وی اجہی گلاں کرے گی تاں ایہہ زیادہ بھیڑی گل ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels