Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> معلومات تک رسائیاں: قنون کیوں منظور نہیں ہوندا؟

معلومات تک رسائیاں: قنون کیوں منظور نہیں ہوندا؟

December 27th, 2016

اسلام آباد: 2014 توں سینیٹ کمیٹی نے معلومات تک رسائیاں(Right to information) دے نویں قنون دا مسودہ تیار کیتا سی پر اج دے دیہاڑ تیک ایہہ منظور نہیں ہویا۔ کیوں؟ بیوروکریسی تے ایس دے خلاف پہلے دن توں ہے پر سیاستداناں نوں کیہ ہوگیا؟ پنجاب تے خیبر پی کے وچ نویں قنون چل رہے نیں پر مرکز وچ نویں قنون نوں ڈکیا جا رہیا ہے۔ سنیا ہے کابینہ والے ایس تے بیہہ گئے نیں۔ ایہہ وی سنیا ہے پئی کابینہ وچ کجھ افسراں ایس دا ’’ڈنگ‘‘ وی کڈھن دا آہر کیتا ہے۔ اک زمانے وچ اسلام آبادی غیر سرکاری ادارے کنز یومر رائٹس کمیشن آف پاکستان (CRCP) اتے ایس دے پردھان ڈاکٹر سلمان ہمائیوں ایس تے بہوں ودھیا کم کیتا سی۔آپدی غیرقنونی سرکار نوں’’پاک‘‘ کرن لئی مشرف آر ٹی آئی نوں لایا وی سی۔ پھیر ہور لوکاں ایس وچ اصافے وی کیتے۔سندھ تے بلوچستان نے نویں قنون بنائے۔ترے سال پہلے پنجاب تے کے پی قنون وی بنائے تے انفارمیشن کمشنروی لائے۔پر مرکز وچ پرانا قنون ہی رکھیا ہویا ہے۔ایہہ وی دسیا گیا ہے پئی جیہڑا مسودہ سینیٹ کمیٹی منظور کیتا سی اس نوں عالمی اداریاں نے سہلایا سی۔ جہناں وفاقی اداریاں تے ایہہ قنون لاگو نہیں ہوئے گا، نویں بل وچ اس دی کوئی لسٹ دتی نہیں گئی۔ نویں قنون وچ بیورو کریسیاں پاروں معلومات دین دا ’’فیصلہ‘‘ افسراں آپدے ہتھ وچ رکھیا ہے۔ ایس قنون وچ نرا پبلک اداریاں نوں رلتی کرنا کجھ عجیب گل ہے۔ جے ایس وچ این جی اوز تے پرائیوٹ ادارے سنے میڈیا وی رلتی ہون تاں فیر قنون سب تے لاگو ہوئے گا۔پر سیانیاں داآکھنا ہے پئی ایسایس گھاٹے نوں ریگولیٹری باڈیز پاروں حل کرن دی گنجائشاں قنون وچ موجود نیں۔اک وا مسلۂ ایہہ وی ہے پئی ادارے تے آپدا آپدا ریکارڈ وی نہیں رکھدے۔ قنون وچ انفارمیشن کمیشن دے بناون دا اعلان تے شامل ہے پر بیوروکریسی ایتھے وی ہتھ اکھایا ہے پئی کمیشن دی ساخت دی گل نوں وضاحت نال قنون وچ کرنا لوڑی دا ہے۔ویسے جتھے نیشنل آرکائیو وزارت داخلہ دے انڈرہوئے اتھے’’معلومات لین نوں‘‘ شک نال ویکھن دی ریت تگڑی رہندی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels