Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> کیہ زرداری ’’قومی اتحاد‘‘ بنا رہے نیں؟جیہڑے زرداری نوں ڈرانا چاہندے نے ,ناکام ہون گے ۔چوہدری شجاعت

کیہ زرداری ’’قومی اتحاد‘‘ بنا رہے نیں؟جیہڑے زرداری نوں ڈرانا چاہندے نے ,ناکام ہون گے ۔چوہدری شجاعت

December 26th, 2016

کراچی: چوہدری شجاعت وی سابق صدر آصف زرداری نال ملاقات کرلتی ہے اتے جماعت اسلامی دے امیر نوں تے زرداری ہوری آپوں فون کرکے ’’رام‘‘ کرلتا سی۔ ایس لئی زرداری ہوراں’’اقلیتیاں دے تحفظاں بارے قنون‘‘ دی قربانی دین لئی تیار نیں۔ چوہدری شجاعت نال ملاقات وچ وزیر اعلیٰ سندھ مراد علی شاہ اتے چیئر مین بلاول بیٹھے سن۔ گرینڈ اپوزیشن الائنس تے اتفاق ہوگیا ہے۔سوال ایہہ ہے پئی کیہ زرداری نوابزادہ نصراللہ داگھاٹا پورا کرسکن گے؟ ایہہ گل عمران خان دے سواء سارے سیاسی کھڈاریاں نوں واراکھاندی ہے۔جے گرینڈ الائنس بن گیا تاں خان ہوری’’اکلا تے وڈا‘‘اپوزیشن آگو بنن توں وی وانجھے رہ جا سن ۔ایس لئی خان ہوراں نوں ایس الائنس نال ٹرنا ہی پئے گا جس دے آگو زرداری ہون گے۔ زرداری ہوری آکھیا ہے پئی ایہہ ’’قومی اتحاد‘‘ جمہوریت حمائیتیاں وچ بن رہیا ہے اتے حکومت نوں ٹف ٹائم دے گا۔ چوہدری ہوراں صدر زرداری نوں لہور آون دی دعوتاں دتیاں نے اتے انہاں قبولیاں نیں۔ جنوری وچ زرداری ہوری اسلام آباد توں ہوندے ہوئے لہور آون گے۔ چوہدری ہوراں آکھیا پئی جیہڑی قوتاں زرداری نوں ڈرانا چاہندیاں نیں اوہ ناکام ہون گیاں۔ جے چوہدری ہوری ان قوتاں دے ناں وی دس دیندے تاں گل کھل جاندی۔ پر چوہدری ہوری ’’دروٹ سیاستاں‘‘ دے قائل نے اتے ویلے تے گل کرن وچ ماہر وی۔اج چوہدری ہوراں ہمت وی وکھائی اتے آکھیا ’’رینجرز دے چھاپیاں نال فرق نہیں پئے گا‘‘۔ ایس موقع تے زرداری ہوراں آکھیا پئی پریشر ودھاواں گے تاں چوناں چھیتی وی ہوسکدیاں نیں۔ ویسے خورشید شاہ تے پہلاں ہی آکھ چکے نے پئی چوناں 5 دی تھاں 4 سال بعدوں ہونیاں چاہیدیاں نیں۔ 27 دسمبر نوں سپرائز دین دا اعلان کردے ہوئے زرداری ہوری آکھیا پئی ڈاکٹر عاصم نوں جلدی انصاف مل جاسی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels