Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ہن پانی نوں ضایا کرنا جرم ہے: 5 ہزار جرمانہ ہوسی۔میٹرو پولیٹن کارپوریشن اسلام آباد

ہن پانی نوں ضایا کرنا جرم ہے: 5 ہزار جرمانہ ہوسی۔میٹرو پولیٹن کارپوریشن اسلام آباد

وچار ڈیسک
December 25th, 2016

اسلام آباد: پاک چائنہ فرینڈ شپ سنٹر وچ میٹرو پولیٹن کارپوریشن اسلام آباددا 8واں اکٹھ ہویا۔ ایس اکٹھ دی صدارتاں اسلام آباد دے مئیر شیخ نثار عزیز ہوراں کیتی۔ اکٹھ وچ ڈپٹی میئراں رفعت جاوید، سید ذیشان نقوی اتے اعظم خان تے چیف آفیسر اسد محبوب کیانی وی رلت کیتی۔ 10 نکاتی ایجنڈے وچ سینی ٹیشن تے پانی دا مسئلہ سب توں اہم سی۔ یوسی جی نائن دے چیئرمین دسیا پئی کجھ سیکٹراں وچ لوک پانی بہوں زیادہ ضایا کردے نے اتے کجھ سیکٹراں وچ پین والا پانی ہی نہیں لبھدا۔ یوسی جی ست دے چےئرمین چوہدری نصیر ڈوگر اکٹھ نوں دسیا پئی میرے علاقہ وچ ٹیوب ویل توں پانی ملدا ہے اتے 9وچوں 6 ٹیوب ویل خراب نیں۔ جے سانوں سردیاں وچ پانی نہیں لبھ رہیا تاں فیر گرمیاں وچ کیہ ہوسی۔ مئیر ہوراں دسیا پئی بارشاں گھٹ ہون پاروں خان پور تے سملی ڈیماں دی جھیلاں وچ پانی گھٹ ہے۔تمام ممبر جے میرے نال ہون تاں اساں اجہے مسئلیاں نوں حل کرسکاں گے۔ مئیر ہوراں پانی ضایا کرن والیاں خلاف ست نوٹس اتے جرمانے دیاں منظوریاں دتیاں۔ اپوزیشن لیڈر علی نواز ہوراں وی ایس دی حمائیتاں کتیاں۔ مئیر ہوری دسیا پئی شہر وچ سالڈ ویسٹ منیجمنٹ سسٹم شروع کیتا جاسی۔ شہر نال جڑے پنڈاں دی حالت زیادہ خراب جے اتے ایس بارے اساں کم کررہے ہاں۔ اک یوسی چےئرمین نے میونسپل ایڈمنسٹریشن دے ڈائریکٹر کپتان (ر) شہباز دے بھیڑے رویے بارے گل کیتی۔
اکٹھ وچ فیصلہ کیتا گیا کہ جیہڑے پانی ضایا کرن گے انہاں تے5 ہزار جرمانہ ہوسی۔ پانی ضایا کرنا وڈا مسئلہ ہے پر اصل مسئلہ پین دے پانی اتے دوجے استعمال دے پانی دی سپلائیاں نوں وکھ وکھ کرنا جے۔ ذرا غور کرو پئی بہتا پانی کون ورتدا ہے؟ گھریلو سطح وی اتے کمرشل سطح تے وی۔ جے کارپوریشن سٹڈی کروائے تے چانن ہوجاسی۔بلڈ لگاں بناون والے ہون، کھلاں دھون والے کرخانے ہون یا فیر گھراں یا کمرشل سطح تے گڈیاں وغیرہ دھون والے وغیرہ وغیرہ، ہر کوئی پین والے پانی ناں ہی ایہہ سب کم چلاندے نیں کیونجے دوجے پانی دی وکھری سپلائی لائن ہی نہیں ہوندی پاکستان وچ۔ ویکھو تے سہی، دوجے ملکاں وچ پانی کنج بچایا جاندا ہے۔ جرمانے وی کرو، نوٹس وی گھلو پر مڈھلے مسئلہ بارے وی غور کرو۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels