Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ایبٹ آباد رکمیشن رپورٹ اوپن کیتی جاوے۔ کوئی کسے نوں چکر نہیں دے سکدا

ایبٹ آباد رکمیشن رپورٹ اوپن کیتی جاوے۔ کوئی کسے نوں چکر نہیں دے سکدا

December 24th, 2016

اسلام آباد: سینیٹ کمیٹی اتے بعد وچ میڈیا اگے جسٹس (ر) جاوید اقبال دے بیاناں توں بعد وزیرعظم وی ایہہ گل آکھ چکے نے پئی اوہ ایبٹ آباد کمیشن رپورٹ نوں پبلک کرن بارے غور کررہے نیں۔ ہن ایس حوالہ نال چوہدری نثارنوں وی بیان دینا پئے گیا ہے۔ ایہہ وقوعہ پیپلز پارٹی دے دور وچ ہویا سی پر ایہہ گل سب جاندے نیں پئی وقوعہ دی رات نوں جیونیوزنے چوہدری نثار تے شہباز شریف دی جنرل (ر) کیانی نال ،ملاقات دی خبر وی دتی سی۔ایس رات دے ہنیرے وچ کیتی ملاقات نوں میاں نواز شریف پسند نہیں کیتا سی اتے ایس تے میڈیا وچ بیان وی دتا سی۔ جج ہوری تے آکھ چکے نے پئی ایس رپورٹ وچ ذمہ داراں بارے دس دتا گیا ہے۔ 16دسمبر1971 وانگ ایس رپورٹ نوں وی نرا پی پی پی خلاف ورتن نال کم چل نہیں سکدا۔ ایہہ تے سب جاندے ہی نیں پئی پاکستان وچ فیصلے کتھے ہوندے نے اتے سیاسی حکومتاں دی طاقتاں کڈیاں ہوندیاں نیں۔ رپورٹ اوپن کرنا اک وڈا مسئلہ ہے اتے ایس نوں پبلک کرن توں پہلاں پارلیمنٹ دی مشترکہ ان کیمرہ اجلاس وچ وی پیش کیتا جاسکداہے۔پر لگدا ہے ایہہ ڈیولپمنٹ نثار ہوراں نوں پسند نہیں تاں مارے اوہناں نے نیب دے چیئرمین دی سلیکشن دا نواں ’’کٹا‘‘ کھول دتا ہے۔جے ہن ایہہ رپورٹ اوپن نہ ہوئی یا ایس تے گل بات نہ ہوئی تاں وزیراعظم ہی تے ایس داالزام آئے گا۔
حمودلرحمن کمیشن وانگ اجہی رپوٹاں تے اسمبلیاں گل بات کرن تاں مستقبل دا پاکستان زیادہ محفوظ ہوسکدا ہے۔ اجہے مسلیاں نوں سیاسی دنگلاں وچ ورتن دا مطلب ایہو ہے پئی میڈیا وچ کھپ پئے اتے الزاماں دا کھیڈ رچایا جائے پر ’’کتا کھو وچ ہی رہے‘‘۔ ایہہ سب پرانے سیاسی حربے نیں اتے اج انہاں نوں چھڈ کے آون والے ویلے لئی پایسیاں بنانیاں ویلے دی لوڑ ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels