Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پنجابی ادبی بورڈ: ماں بولی دیہاڑ دی تیاریاں لئی اکٹھ۔سب پنجابی سادا ساتھ دین

پنجابی ادبی بورڈ: ماں بولی دیہاڑ دی تیاریاں لئی اکٹھ۔سب پنجابی سادا ساتھ دین

وچار ڈیسک
December 24th, 2016

ماں بولی دیہاڑ نوں ایس وار وڈی پدر تے مناون لئی اک اکٹھ پنجابی ادبی بورڈ دے دفتر (کلب روڈ دی مال ،لہور) پی اے بی دے صدرمشتاق صوفی ہوراں بلایا۔ اگلے ہفتہ وڈا اکٹھ ہوسی۔
سجناں آپدی آپدی تجویزاں وی دتیاں اتے پچھلے ماں بولی دیہاڑاں دے تجربے بارے وی گل بات کیتی گئی۔ ایس گل تے اتفاق کیتا گیا کہ 21 فروری 2017 دے پرگرام نوں سوہنا تے من موہنا کرن لئی پنجابی زبان دے سیوکاں نوں آکھیا ہے پئی اوہ آر ٹسٹاں، کھڈاریاں، پروفیسراں نال وی رابطے کرن اتے سیاسی جماعتاں ، میڈیا، چونویں قیادتاں ، این جی اوز اتے کاروباری لوکاں نوں وی ملن۔ ہر مہینہ دی 21 تریخ نوں کسی نہ کسی متھی گئی تھاں تے وکھالا کرن تے وی اتفاق کیتا گیا تاں جے پنجابی دی لہر نوں تگڑا کیتا جائے اتے پنجابی نوں لاگو کرن دی گل سال وچ اک وار ہون دی تھاں ہر مہینہ ہوئے۔ اکٹھ وچ ایہہ وی فیصلہ ہویا پئی حکومت پنجاب پنجابی زبان نوں لاگو کرن دے حوالہ نال جیہڑا ڈرافٹ بل سپریم کورٹ وچ پیش کیتا سی اس نوں اسمبلی توں منظور کروائے۔ورنہ ایہو سمجھیاجائے گا پئی پنجاب سرکار سپریم کورٹ نوں چکر ہی دتا سی۔
ایہہ گل وی آکھی گئی پئی پنجاب وچ پنجابی زبان نوں ذریعہ تعلیم medium of Instruction بنائے بغیر سب نوں تعلیم دین Education for ALL دا سفنہ پورا نہیں ہوسکداجس دا وعدہ پاکستان نے عالمی برادری نال کر رکھیا ہے۔ ایس لئی تعلیم وچ رقماں دین والے ڈونراں نال گل بات کرن تے وی اتفاق ہویا جیہڑے پنجاب سرکار نوں EFAلئی رقماں دیندے نیں۔ اُردو تے انگریزی اخباراں وچ کم کرن والے اجہے کالم لکھاریاں اتے ایڈیٹراں نال رابطے کرن دی گل وی ہوئی جہیڑے پنجابی زبان دی کھل کے حمائت کردے نے تانجے اوہ ریڈیو، ٹی وی تے اخباراں وچ ماں بولی دیہاڑ بارے گل بات کرن۔
پنجابی ادبی بورڈ دی پردھانی وچ پنجاب وچ پنجابی زبان دی سیوا لئی ہون والے ایس اکٹھ وچ صدر ادبی بورڈ مشتاق صوفی توں علاوہ جہناں سجناں رلت کیتی انہاں وچ جمیل پال، نبیل شاد، پروین ملک، عامر ریاض، احمد رضا پنجابی، زبیر احمد،سیدہ دیپ تے طارق جٹالہ شامل سن۔ پنجابی لہر نوں اگے ودھان اتے ایس جتھے بندی نوں وڈا تے تگڑا کرن تے اتفاق کردے ہوئے 30 دسمبر نوں بورڈ وچ اک ہور اکٹھ دا فیصلہ وی ہویا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels