Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> جیویں اساں عید میلاد النبیؐ منائی انج ہی سب رل مل حضرت عیسیٰ علیہ السلام دا دن منائیے۔حافظ راشد محمود

جیویں اساں عید میلاد النبیؐ منائی انج ہی سب رل مل حضرت عیسیٰ علیہ السلام دا دن منائیے۔حافظ راشد محمود

وچار ڈیسک
December 24th, 2016

دھرتی سندھ رل مل رہن والے لوکاں دی تھاں ہے اتھوں اجہی خبراں آنیاں اک وڈی پریشانیاں نیں۔اسلام وچ زبردستی نہیں اتے قرآن شریف وچ واضح حکم ہے۔ پر کجھ لوکاں اسلام دی آڑ وچ آپدی سیاستاں نوں ودھایا ہے۔ مذہبی جماعتاں نوں چاہیدا ہے اوہ ہر گل تے مرن مارن تے نہ اتریا کرن۔ دوجے مذہباں تے لوک تے ساڈے نال رہنا چاہندے نیں۔’’ عبیداللہ سندھی ہوراں آکھیا ہے پئی مذہب دی تعلیم 8 ویں توں بعد دینی چاہیدی ہے اتے ایس توں پہلاں سب بچیاں نوں اخلاقیات دی تعلیم دینا ہی لوڑی دا ہے‘‘۔جنج اساں پچھلے دناں عید میلاد النبیؐ منائی اینج ہی اساں سب رل مل حضرت عیسیٰ علیہ السلام دی پیدائش دا دن منائیے۔ایہہ گلاں ہفتہ وار ریڈیو پروگرام لوک لہر وچ گل بات کردے حافظ راشد محمود ہوراں آکھیاں۔حافظ راشد محمود ،ڈائریکٹر کچی آبادی اتھارٹی، صدر پنجاب اربن ریسورس سنٹر اتے پردھان عبیداللہ سندھی فاؤنڈیشن نیں۔
شکیل بھٹی (صدر،پاک چرچز آف کرائسٹ منسٹریز) پروگرام وچ آکھیا ’’مسیحیت دا اصل مقصد وی پیار محبت تے انسانیت ہے اتے تاں مارے اخلاقیات نوں سب توں وادھو اہمیتاں دتیاں گیاں نیں۔ اخلاقیات ہی سانوں روداریاں ول لے کے جاندی ہے۔ زور زبردستی دی دھرم وچ کوئی گنجائشاں نہیں۔ کرسمس دا پیغام ہی محبت ہے تے سانوں سب نوں ایہو سبق یاد رکھنا چاہیدا ہے‘‘۔
شنیلا جانسن (استاد،بائبل مقدس) وی پروگرام وچ رلتی سن۔ انہاں دسیا،’’خدا نے جدوں انسان نوں بنایا تے اس نوں بندہ ہی بنایا اتے دھرم فیر بعد وچ آئے۔ ایہہ گل سانو ں سب نوں یاد رکھنی چاہیدی ہے۔ایہوتعلیم بائبل مقدس وچ وی ہے اتے دوجی مقدس کتاباں وچ وی۔میرے کول چھوٹے بچے آندے نیں اتے میں انہاں نوں بائبل مقدس پڑھاندی ہاں۔ ساڈی برادری دا وڈا مسئلہ ایہہ ہے پئی ساڈے بچیاں وچ اعتماداں دا گھاٹا ہے۔ دوجی گل اخلاقیات دی ہے۔ اخلاقیات دی تعلیم دینا زیادہ لوڑی دا ہے۔
کرسمس بارے اچیچا پروگرام، ’’امن تے ترقی وچ پاکستانی اقلتیاں دا حصہ‘‘ 19 دسمبر نوں ریکارڈ کیتا گیا سی۔ ایس پروگرام وچ اقلتیاں دے تحفظا ں بارے منظور کیتے گئے قنون بارے وی گل کیتی گئی۔ایس پروگرام وچ حافظ ہوراں دے نال نال پاسٹر (پادری) شکیل بھٹی اتے شنیلا جانسن ہوراں رلت کیتی۔ شکیل بھٹی ہوری مسیحاں لئی سکول وی چلاندے نیں اتے دھرم دی سیوا وچ وی کم کردے نیں۔ شنیلا جانسن بچیاں نوں بائبل مقدس پڑھاندیاں نیں۔تھلے اسی پروگرام دی ریکارڈنگ دا لنک دے رہے ہاں تاں جے تساں آپ ایس گفتگو نوں سن سکو۔ لوک لہر پروگرام ہر پیر دے دیہاڑ 4 وجے توں 6 وجے تیک صرف یف ایم 103تے سنیا جاسکدا ہے اتے پنجاب پنچ دے بلاگ اتے ایس دے سارے پرانے ریڈیو پروگرام سن سکدے ہو۔
http://punjabpunch.blogspot.com/2016/12/listen-lok-lhar-radio-show-christmas.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels