Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> میاں صاحب اپنی پارٹی دی فکر کرو

میاں صاحب اپنی پارٹی دی فکر کرو

December 23rd, 2016

پیپلز پارٹی دی اندرونی لڑائی آپدی جگہ اہمیتان رکھدی پے پر ایس تے دوجی پارٹیاں دے وڈکیاں نوں نہیں بولنا چاہیدا۔ عمران خان ہوراں بلاول دی حمائیتا ں کرکے کوئی چنگا کم نہیں کیتا سی اتے میاں ہوری نوں وی عمران خان وانگ پی پی پی دی اندر دی لڑائی نوں سیاسی فیدے چکن دی عمل توں دور رہنا چاہیدا ہے۔ زارداری نوں جی آیا نوں آکھنا ٹھیک ہے کہ سب جاندے نے زرداری نوں کسے دباؤ نال نجٹھن لئی ملکوں باہر جانا پیاسی۔ میا ں ہوراں ایبٹ آباد کمیشن رپورٹ نوں پبلک کرن بارے جیہڑا بیانن دتا اوہ وی ویلے دی لوڑ ہے پر پی پی پی دی منجھی ہیٹھاں ڈانگ پھیرن دا کم اوہ نہ کرن تے چنگا ہوسی۔ پر ایبٹ آباد کمیشن رپورٹ بارے وزیراعظم دے بیان نوں میڈیا گھاء نہیں پائی۔پی پی پی وچ آگو دی تبدیلیاں کوئی پہلی وار نہیں ہورہیاں۔ سانوں چیتے ہے جداں بیگم نصرت بھٹو توں بے نظیر ہوراں ول لیڈر شپ آرہی سی اس ویلے وی رولے پئے سن۔ پر پی پی پی وچ شیخ رفیق ، شیخ رشید، قائم علی شاہ، خورشید شاہ ورگے وڈکیا ں نے بڑی سیانت نال ایس مسئلہ نوں پار لایا سی۔ البتہ مسلم لیگ (ن) وچ جدوں ایہہ ویلہ آئے گا تاں لگ پتہ جائے گا۔ میاں صاحب نوں آپدا تواریخی جملہ یاد ہے کہ جدوں اکتوبر 1999 بعدوں انہاں پچھے مڑ ویکھیا سی تاں انہاں دے حق وچ نعرے مارن والے غایب سن۔ اج وی مسلم لیگ (ن) دی بطور پارٹی پوزیشن ایڈی چنگی نہیں۔ حمزہ، مریم، عابد شیر علی ایس دوڑ وچ نے اتے نکے میاں صاحب وی گھٹ نہیں۔ سیاسی پارٹیاں وچ باہروں ہون والی مداخلتاں پاروں پارٹیاں خانداناں وچ قید نیں۔ سوال ایہہ ہے پئی آئیڈیل صورتحال تے کتھے وی نہیں۔ پارٹی دے ادارے کسے وی سیاسی جماعت وچ تگڑے نہیں۔ پی پی پی مڑ توں آپدے پیراں تے کھلون ول سفر جاری کیتا ہے۔ میاں ہوراں نوں ڈاکٹر عاصم دے کیس نوں ہن پارلیمانی کمیٹی دے حوالے کرنا چاہیدا ہے تانجے ایس وچوں کٹی کٹا نکلے۔ میاں ہوراں لئی آپدی سیاسی پارٹی نوں وی کھڑا کرن دی کوششاں کرنیاں چاہیدیاں نیں۔ سیاسی پارٹیاں دا ثاثہ دے انہاں دے ورکر ہوندے نیں۔ سیاسی ورکراں دی اہمیتاں دا اس ویلے پتہ چلدا ہے جدوں پارٹی وچ حلات بھیڑے ہوندے نیں۔ زرداری تے بلاول آپدی پارٹی ول دھیان دے رہے نیں اتے انہاں نوں مت دین دی تھاں میاں ہوری مسلم لیگ (ن) نوں اک پارٹی بناون دا آہر کرن۔ زرداری ہوراں دی واپسی کئی اک حوالیاں نال اہم ہے۔ پر انہاں اقلیتیاں دے تحفظاں بارے قنون تے جماعت اسلامی نال گل کر کے اپنی واپسی نوں مشکوک بنادتا ہے۔ اوہناں نوں مسلم لیگ (ن) تے مثبت پریشر پانا چاہیدا ہے۔ ہن 2018دی چوناں دی تیاریاں نیں اتے پی پی پی نوں سندھ، پی ٹی آئی نوں خیبر پی کے اتے مسلم لیگ (ن) نوں پنجاب، مرکز تے بلوچستان وچ نظر آن والے کم کرنے ہون گے۔ پانامہ ڈرامہ توں جے اک نواں تے سب دے احتساباں والا قنون برآمد ہوجائے تے ایہہ سب دی جت ہوئے گی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels