Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> انتخابی اصلاحواں:زنانیاں دے ٹرن آوٹ دا ماملہ: کیہہ مذہبی جماعتاں اڑچل پا رہیاں نیں؟ گل کتھے رکی ہے؟

انتخابی اصلاحواں:زنانیاں دے ٹرن آوٹ دا ماملہ: کیہہ مذہبی جماعتاں اڑچل پا رہیاں نیں؟ گل کتھے رکی ہے؟

وچار ڈیسک
December 21st, 2016

لگدا ہے پئی زنانیاں دے چوناں وچ گھٹ ٹرن آوٹ دے ماملے نوں لمکایا جا رہیا ہے۔انتخابی اصلاحواں دے پیکج وچ ایہہ تجویز دتی گئی سی کہ جس وی حلقہ وچ زنانیاں دا ٹرن آوٹ دس فیصدی توں گھٹ ہوئے اتھے مڑ چوناں کروائیاں جاون۔ پر کجھ مذہبی سیاسی جماعتاں اتے میڈیا دے کجھ حلقے ایس تجویز دے خلاف نیں اتے اڑچلاں پا رہے نیں۔اج روزنامہ جنگ وچ انصار عباسی ہوراں آپدی لکھت وچ رہتل تے اقدار مگر لکن دا آہر کیتا۔انہاں لکھیا ’’اجہی شقاں ایسی تھاواں تے ممکنہ طور تے کئی جھگڑیاں نوں جنم دے سکدیاں نیں جتھے زنانیاں آپدی مرضیاں نال، اپنی رہتل اتے اقدار پاروں گھروں نہیں نکلدیاں۔‘‘جیو نیوز نال گل کر دے ہوئے پی ٹی آئی دی لیڈر شیریں مزاری آکھیا ہے پئی کچھ مذہبی جماعتاں اڑچل پا رہیاں نیں۔انتخابی اصلاحواں بارے کم کر رہی پارلیمانی کمیٹی نوں ذیلی کمیٹی نے149صفحے دی رپورٹ دتی جس وچ زنانیاں دی ودھ توں ودھ رلت لئی ایہہ شق وی رکھی گئی۔میڈیا نوں چاہیدا ہے پئی ایس مسلہ تے پروگرام کرے تانجے سب جان سکن کہ کون کیہ سٹینڈ لے رہیا ہے۔ایس مسئلہ تے پی پی پی، پی ٹی آئی تے مسلم لیگ (ن) اک صفحہ تے نیں تاں فیر ایس شق نوں ڈراپ نہیں ہونا چاہیدا۔ماضی وچ اجہی مثالاں موجود نے جداں سیاسی جماعتاں زنانیاں نوں ووٹ توں ڈکن پاروں معاہدے وی کیتے۔ایہہ کوئی نکا مسلہ نہیں اتے ایس بارے بولڈ فیصلے کرنے ہون گے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels