Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> مشرف دا راحیل شریف خلاف بیان:اساں تے ڈبے ہاں؟ اک ہور خودکش حملہ

مشرف دا راحیل شریف خلاف بیان:اساں تے ڈبے ہاں؟ اک ہور خودکش حملہ

December 20th, 2016

دنیا نیوز: کیہ راحیل شریف (سابقہ آرمی چیف) تہانوں بچایا سی۔ ایس سوال دے جواب وچ مشرف آکھیا، ہاں اس میری مدد ضرور کیتی۔ میں اس دا شکر گذار ہاں...... انہاں میرا ناں ای سی ایل وچ پایا ہویا سی، جداں دبا پیّا تاں مینوں باہر جان دتّا۔ راحیل شریف تے آپدی مدت پوری کرکے رٹائر ہوچکے نیں پر مشرف انہاں دا شکریہ اُنج ہی ادا کیتا ہے جس طرح مشرف نے 12 کتوبر 1999 نوں نواز شریف دا شکریہ ادا کیتا سی جس مشرف نوں آرمی چیف بنایا سی۔ مشرف آکھیا پئی آرمی چیف بالواسطہ طور تے عدالتاں اتے حکومت تے پچھے رہ کے دبا پایا سی۔ ایہہ گلاں موصوف نے دنیا ٹی وی دے اینکر کامران شاہد دے پروگرام وچ دسیاں۔ انہاں آکھیا راحیل ہوراں دے دبا بعد ہی مینوں باہر جان دی اجازتاں ملیاں۔مشرف دے باہر جان توں بعدوں جو ہویا اوہ اک وکھری تاریخ ہے۔ مشرف نوں مارچ 2016 دی 18 تریخ نوں باہر گھلیا گیا اتے اپریل وچ اک اخباری لیک راہیں 6 فوجی افسراں نوں بدعنوانیاں پاروں کڈھیا گیا جہناں وچ کوئٹہ دے دو آئی جی ایف سی رلتی سن۔خبر مطابق ایس کرپشن دا پتہ کسی اندرونی تحقیقاں پاروں نہیں سگوں اک مہنگی سپورٹس کار دے حادثہ وچ چلیا جس وچ دو فوجی افسر مارئے گئے سن۔ مہنگی سپورٹس کار کس دی سی؟ افسر فوجی ڈیوٹی تے نہیں سن؟ ایس سب نوں دبادتا گیا۔آئی ایس پی آر آپوں ایہہ خبر جاری نہ کیتی تاں مارے میڈیا تے گل دا گلینڈ بنیا۔ فیر مئی توں پانامہ ڈرامہ شروع ہو گیا۔ جولائی وچ 13ضلعیاں وچ راحیل شریف دے حق وچ پوسٹ لوا دتّے گئے پر ترکی دی بغاوت دے کچلے جاون والی خبر نیں ماحول ہی بدل دتا۔ سرل دا کیس تے اخیری کم سی۔ ایہہ سب بارے ساڈا میڈیا کیہ آکھدا رہیا ایہہ سب کامران شاہد تے نہیں پچھنا سی۔ پر مشرف آپدے بیان نال ایس دا بوہا کھول دتا ہے۔ مشرف دا ایہہ خودکش حملہ موصوف دی پریشانیاں دا ثبوت ہے۔ اوہ آپدے نال نال عدالتاں تے فوج نوں وی مصیبتاں وچ پارہے نیں۔ مشرف تے ایوب خان تے یحییٰ خان توں وی سبق نہیں سکھیا۔ اوہ جڈا بولن گے اس توں وادھو آپدے ’’کرم فرماواں‘‘ دی اوکڑاں ودھان گے ۔ہورے اوہ ایہو سوچدے نے پئی’’ ہم تو ڈبے ہیں صنم تجھ کو بھی لے ڈوبیں گے‘‘۔ بھارتی میڈیا وچ مشرف دے بیان نوں چکیا گیا ہے اتے انڈیا ٹوڈے نیں تے ایس بارے سرخی وی لائی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels