Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> اقلتیاں بارے قنون تے مڑ غور بارے اداریہ: کیہ اکلی پی پی پی ہی ذمہ وارجے؟

اقلتیاں بارے قنون تے مڑ غور بارے اداریہ: کیہ اکلی پی پی پی ہی ذمہ وارجے؟

December 19th, 2016

اج ڈان اخبار اقلتیاں دے تحفظ بارے منظور کیتے قنون تے مڑ غور کرن والے پی پی پی دے بیان تے اداریہ لکھیا جے۔ ایہہ قنون مسلم لیگ فنکشنل پیش کیتا سی اتے ایس قنون دی حمائیت سند اسمبلی وچ موجود ساریاں جماعتاں نے کیتی سی۔ پر اداریہ دے لکھاری نری پیپلز پارٹی ہی نوں ذمہ وار قرار دے رہی ہے۔ سندھ اسمبلی وچ تے مذہبی سیاسی جماعتاں وی سن پر انہاں اس ویلے بل دی مخالفتاں نہیں کیتیاں سن۔ بل دی منظوریاں بعدوں کجھ حلقیاں وچ ایس دے خلاف کھپ پین لگ گئی سی۔ مخالفاں آکھیا پئی آئین وچ دتیاں اسلامی شقاں نال ایہہ بل ٹکراندا ہے۔پر سارے ٹی وی پروگراماں اتے اخباراں وچ جہیڑے بیان آئے انہاں تو ں لگدا ہے پئی کوئی وی مذہبی رہنما زبردستی اسلام قبولن نوں صحیح نہیں آکھدا۔ ایس دا مطلب ہے پئی جس سپرٹ نال ایہہ قنون بنایا گیا ہے اوہ صحیح ہے۔ دوسری اہم گل ایہہ ہے پئی بل پیش کرن والی پارٹی مسلم لیگ فنکشنل کتھے ہے؟ خود نوں سیکولر اکھوان والی ایم کیوایم دھڑے کتھے نیں؟ اقلتیاں دی حمائیت وچ کنٹینر توں نعرے لاون والی پی ٹی آئی کتھے ہے؟ پی پی پی حکومت وچ ہے پر ایس دا مطلب ایہہ نہیں کہ سارا ملبہ اس تے ہی پایا جائے۔ مسلم لیگ (ن) دے وفاقی وزیر اتے اقلیتی رکن رمیش کمار جی تے میڈیا تے ایس بل نوں انقلابی فیصلہ آکھ چکے نیں۔ پر اداریہ لکھن والیاں انہاں نوں وی آپدا بیان یاد نہیں کروایا۔
ایس قنون وچ اسلام دی تبلیغ توں کسے نہیں روکیا سگوں ایہو دسیا ہے پئی جدوں تساں کسے نوں زبردستی اسلام قبول کرواندے ہو تے ایس نال مذہب دی نیک نامی نہیں ہوندی۔ جے کسے نوں شک ہے تے اوہ رولز آف بزنس وچ اس نوں دور کرسکدا ہے۔ پر جے ساڈا میڈیا تے باقی سیاسی جماعتاں نرا پی پی پی نوں رگیدنا چاہندیاں نیں تے ایہہ انہاں دا کوئی ذاتی ایجنڈا ہی ہوسی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels