Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> وینزویلا:72گھنٹیاں وچ100دا نوٹ مکاون دا حکمنامہ اتے ہنگامے

وینزویلا:72گھنٹیاں وچ100دا نوٹ مکاون دا حکمنامہ اتے ہنگامے

وچار ڈیسک
December 17th, 2016

وینزویلا وچ100بلیوار (کرنسی دا ناں) دا نوٹ سب توں وڈا ہوندا ہے۔ اتے ایہہ کاغذاں وچ امریکی 15 سینٹ دا برابر مالیتاں دا ہے پرمارکیٹ وچ ایہہ بہوں مہنگا ہے۔ ہیوگو شاویز تے مارچ 2013 وچ مرگیا سی اتے اس دا نائب صدر مادورو اج کل وینزویلا دا صدر ہے۔ مادورو دے حکمنامہ پاروں آکھیا گیا ہے پئی عالمی مافیا نوں قابو کرن لئی اساں ایہہ قدم چکیا ہے اتے 72 گھنٹیاں بعد ایس نوٹ دی قدر ردی دے ٹکڑے دی ہو جاسی۔ انہاں آکھیا ملک نوں اج کیش وچ گھاٹیاں دا سامنا ہے اتے عالمی مافیا والے 30,30 کروڑ سنبھالے بیٹھے نیں۔ مافیا والے وینزویلا دی معیشت دا جنازہ کڈھنا چاہندے نیں۔ اک پڑھیار آکھیاں اساں 5,5گھنٹیاں توں لیناں وچ لگے ہاں پر فیر وی نوٹ وٹا نہیں سکے۔ اجیہاں سکیماں سانوں ’’پلاسٹک منی‘‘ ول دھکیل رہیاں نیں۔ سوشل میڈیا تے اجہی فلماں چل رہیاں نیں جس وچ پلس نوں نوٹاں دے وڈے بنڈل لیجاندے وکھایا گیا ہے۔ پلس وی رقماں کمارہی ہے۔ اوہ بینکاں والیاں نوں ڈرا، دھمکا کے نوٹ وٹارہے نیں جس نال بینک باہر لین ہور لمی ہو جاندی ہے۔ لوکاں دا آکھنا ہے پئی 72 گھنٹیاں وچ ایہہ ہو نہیں سکدا ۔اتے ایس نال بہوں سارے ماڑے لوک مارے جان گے۔ ذرا غور کرو، وینزویلا دے نویں صدر نوں مودی دے انجام توں ہی کجھ سکھنا چاہیدا سی۔ پاکستان وچ وی کجھ لوکاں سرکارنوں اجہے مشورے دتے سن۔ لگدا ہے ایس سب دے مگر کوئی اک تھنک ٹینک کم رہیا ہے۔ ہوسکدا ہے ایہہ سب ’’پلاسٹک منی‘‘ نوں ودھاون دی کوششاں ہون۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels