Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> صحافت دی آزادیاں: پولینڈ والیاں پارلیمنٹ نوں بلاک کردتا

صحافت دی آزادیاں: پولینڈ والیاں پارلیمنٹ نوں بلاک کردتا

وچار ڈیسک
December 17th, 2016

یورپ: وارسا پولینڈ دا وچلا شہر ہے اتے اتھے حکمران قدامت پسند پارٹی صحافیاں نوں اسمبلی ممبراں توں دور رکھن لئی قنون بنانا چاہندی ہے۔ ایس دے خلاف لوک بغیر کسے منصوبہ بندی پارلیمنٹ دے آل دوال رل مل احتجاج کیتا۔ ایہہ احتجاج اک شہری لہر ’’جمہوری تحفظ کمیٹی‘‘ نے کروایا۔ تمام لوگ ’’آزاد صحافت‘‘ بارے نعرے لارہے سن۔ ریڈیک سکورسی پولینڈ دے سابقہ فارن منسٹر نیں اتے انہاں ایس نویں قنون خلاف لکھیا وی ہے۔ انہاں حکمران قدامت پسند ’’قنون تے انصافی پارٹی‘‘ نوں رگیدیاوی تے احتجاجیاں اگے تقریر وی کیتی۔ ذرا دیکھو قنون تے انصاف دے ناں تے حکومتاں بناون والے کنج قنون تے انصاف دا حشر نشر کریندے نیں۔ ایہہ قنون تے انصاف دے ناں تے قنون تے انصاف دا مکوڈھپن والے نیں۔ احتجاجیاں پارلیمنٹ نوں بلاک کیتا تے حکومت نوں بجٹ اجلاس لئی اک دوجے ہال وچ جانا پئے گیا۔ اپوزیشن ایس تے سوال وی چک دتا ہے پئی دوجے ہال وچ جانا قنون دی خلاف ورزیاں نیں۔ لمیری مدت بعدوں اک وار فیر پولینڈ وچ اج کل بڑا رولا گولا چل رہیا ہے،رب خیر ہی کرے۔لیخ ولیسا یاد آگیا ہے ۔پلس نے آکے احتجاجیاں نوں پچھے ہٹایا پر احتجاجیاں آکھیا اساں اگلے دن صدارتی محل اگے احتجاج کراں گے۔ صحافی تے لمیرے عرصہ توں پارلیمنٹ آندے جاندے نیں پر قدامت پسند پارٹی نیں صحافیاں دا داخلہ بند کر چھڈیا سی۔ اک سینئر جرنلسٹ آکھیا پئی کیہ قدامت پسند سانو ں مٹر توں کمیونزم ول لیجارہے نیں؟ اک ہور خاتون صحافی Olejnik ایہہ آکھیا پئی کدی کدی صحافی وی حدوں پار چلے جاندے نیں اتے ممبراں دا ٹائلٹ تیک وی پچھا کردے نیں۔ پر ایس دا ایہہ مطلب نہیں کہ اجہے قنون منظور کیتے جاون۔ انہاں زور دے کے آکھیا کہ جو کچھ قنون تے انصافی پارٹی والے کرنا چاہندے نیں اوہ پارلیمینٹ دے قنوناں اتے آئین نال ٹکراندا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels