Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> سی پیک جھیڑے؟ کیہ عمران خان وی ولی خانی رستے تے ہے؟

سی پیک جھیڑے؟ کیہ عمران خان وی ولی خانی رستے تے ہے؟

وچار ڈیسک
December 16th, 2016

پشور: پاک چین اقتصادی راہداریاں دے منصوبے نوں جھیڑیاں دا شکار کرن نال نہ تے صوبہ خیبر پختونخوا نوں کوئی فیدہ ہوسی اتے نہ ہی پاکستان نوں۔ سگوں ایس نال کالا باغ ڈیم دے زخم ہرے ضرور ہون گے۔ عمران خان نوں ایہہ گل یاد رکھنی ہوسی پئی کالا باغ ڈیم نہ بنن نال وی کسے نوں فیدہ نہیں ہویا سی۔ ولی خانی سیاست نوں ایس نال نقصان ہی ہویا سی تاں مارے پٹھاناں پی ٹی آئی نوں ووٹ دتے سن۔ پر لگدا ہے صوبہ خیبر پختونخوا دی پارٹی اُتے بنی گالہ دا زور زیادہ نہیں چلدا۔
ہن جداں سی پیک دا کم زوراں تے ہے اتے ایران،سعودی عرب، وسط ایشیائی ریاستاں وی ایس وچ رلت لئی گل چھورہیاں نیں تے صوبہ کے پی دی حکومت ڈیڑھ اٹ دی مسیت اسارنا چاہندی ہے۔ جے تہاڈیسیاستاں چل نہیں رہیاں تاں فیر صوبے لئی کوئی چوکھے منصوبے بناؤ نہ کے چلدے منصوبیاں وچ اڑ چل پاؤ۔عمران خان نوں یاد رکھنا چاہیدا ہے پئی جے صوبہ مرکز لڑائی ہوئی تے ایس چوں نکلن والی پختون قوم پرستی دا فیدہ وی قوم پرستاں نوں ہوسی کیونجے اے این پی ایسے سیاست دی پیداوار جے۔ جے پی ٹی آئی والیاں اے این پی توں اگے ودھ کے پختون قوم پرستیاں چلائیاں تاں اوہ اکا ہی مارے جان گے۔ جنج کانگرس تے بی جے پی وچ ’’پاکستان مخالفت‘‘ والی سیاست دا وڈا فیدہ ہمیشہ بی جے پی چکیا ہے اینج ہی ایس تازہ لڑائی دا فیدہ وی اے این پی نوں ہوسی۔ جے کے پی سرکار آپدی سیاستاں نہ بدلیاں تے پنجاب وچ پی ٹی آئی دی سیاستاں ہور پچھے جان گیاں ۔پنجاب وچ تے اگے ہی بلاول دی آمد، آمد جے اتے اس پہلاں ہی پی ٹی آئی نوں پنجاب دیایم کیو ایم ایسے حوالہ نالآکھیا سی۔ ایس موقع تے جدوں گوادر تیار ہے اتے باقی کم وی توڑ چڑھ رہے نیں، جے سی پیک نوں جھیڑیاں وچ پایا گیا تاں ایس دا لزام وی پی ٹی آئی تے ہی لگے گا۔ متبادل رستیاں دی گل دا ویلا پچھلا سال سی اتے اس ویلے خیبر پی کے دی حکومت کجھ نہیں کیتا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels