Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ٹرمپ دور وچ پاک امریکہ تعلقات غیر یقینی رہن گے:جناح انسٹی ٹیوٹ

ٹرمپ دور وچ پاک امریکہ تعلقات غیر یقینی رہن گے:جناح انسٹی ٹیوٹ

وچار ڈیسک
December 15th, 2016

اسلام آباد: جنوبی ایشیا وچ امریکی پالیسیاں بارے اج مشہور تھنک ٹینک جناح انسٹی ٹیوٹ گل بات کیتی۔ انہاں آکھیا کیونجے ٹرمپ دور وچ غیر یقینیاں وادھو رہن گیاں تاں مارے دوپاسے ایس بارے الرٹ رہن دی لوڑ ہے۔ تھنک ٹینک دی صدر اتے پی پی پی دی پردھان سینیٹر شیری رحمن آپدی گل بات وچ پاکستانی پالیسی بناون والیاں دی نندیا کیتی۔ زیادہ زور رلدے ملدے مفاداں اتے مقصداں نوں بھرولن تے ہونا لوڑی دا ہے۔ پر اسلام آباد دی ترجیحاں ہور نیں۔ ایہناں ماڑیاں حالات وچ وی امریکہ لئی پاکستان دی اہمیتاں وادھو نیں کیونجے افغانستان توں نکلن لئی پاکستان وڈا کردار ادا کرسکدا ہے۔ چین نال ودھدی ہوئی یاریاں دا مطلب امریکہ نال طلاق نہیں پر اسلام آباد دے کجھ پالیسی ساز اینج ہی سمجھدے نیں۔ امریکہ دے تھنک ٹینک سٹیمسن (Stimson) سنٹر توں آئے ماہراں وی ایس اجلاس وچ رلت کیتی۔ انہاں آکھیا اج دیہاڑ تک ایہہ امکان موجود ہے پئی ٹرمپ بعدوں پاک امریکہ تعلقات بہوں خراب ہی نہ ہوجاون۔دوپاسیوں ایس گل تے غور ضروری ہے پئی اوہ کیہڑے مسئلے نیں جیہڑے پاڑ ودھا رہے نیں اتے کیہڑے نے جیہڑے پاڑ نوں گھٹ کر سکدے نیں۔ آون والے دناں وچ پاکستان توانائیاں دا وڈا ڈیرہ بن جاسی تاں مارے ہن امریکہ وی پاکستان نوں نرا سکیورٹی پاروں ویکھن والی پالیسی نوں بدل سی۔ انہاں آکھیا پئی روس، چین دے ودھدے کردار تے امریکیاں دی نظر ہے اتے امریکہ روس وچ وی تعلقات ٹرمپ دور وچ بہوں چنگے ہوسکدے نیں۔
ایس اجلاس دی صدارتاں جناح انسٹی ٹیوٹ دے نائب صدر سفیر عزیز احمد خان اتے سٹیمسن سنٹر دے میخائل کرپپّوں کیتی۔سنٹر دی جنوبی ایشیا لئی ڈپٹی ڈائریکٹر ڈاکٹر سمیر للوانی وی اجلاس وچ موجود سن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels