Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پنجاب: کالجاں دے اُستاد سڑکاں اُتے ۔خادم اعلی کتھے نیں؟

پنجاب: کالجاں دے اُستاد سڑکاں اُتے ۔خادم اعلی کتھے نیں؟

وچار ڈیسک
December 14th, 2016

اج 14دسمبر نوں پنجاب پروفیسراینڈ لیکچررز ایسویسی ایشنPPLA ولوں ایم اے او کالج توں سول سیکرڑیٹ تیک ریلی کڈی گئی جس وچ کُل پنجاب توں کالج اُستاداں رلت کیتی۔ ریلی وچ کئی سو اُستاداں رلت کیتی اتے کئی گھنٹے ایم اے او کالج توں سیکرٹریٹ تیک ٹریفک بند رہی۔ جد توں پی پی ایل اے دے نویں عہدیدار آئے نیں اوہ سرکار اُتے زور پاندے پئے نے پئی اوہناں دیاں منگاں تے مُکھ دھریا جائے۔ لگدا اے کالج دے اُستاداں مجبور ہو کے ایہہ پیر چُکیا اے پئی اوہناں نوں سڑکاں اُتے آنا پیا اے۔
کالجاں دے اُستاداں دے کئی پرانے مسلے نیں جیہناں نوں کسی سرکار وی گھاہ نہیں پایا۔ سبھ توں وڈا مسلہ اوہناں دی ترقی دا اے۔ کنے ای ورھے لنگھ جاندے نیں ایہناں دی ترقی نہیں ہوندی تے اوہ بناں ترقی توں رٹیائر ہو جاندے نیں۔ ایس لئی اوہناں دی منگ ٹائم سکیل تے موو اور اے ۔ ایس دے نال ہاؤسنگ تے ہور مسلے وی نیں۔ جد ریلی سیکرڑیٹ اپڑی تے پپلا(PPLA) دے مرکزی صدر حافظ عبدالخاق ندیم، توصیف صادق، ناظم حُسنین،فائزہ رعنا تے ہور آگواں تقریراں کیتیاں تے اپنیاں منگاں منن اُتے زور پایا۔ جد تھوڑا ویلا لنگھیا تے ڈپٹی سیکرڑی نے باہر آ کے اُستاداں ساہمنے دسیا پئی اُستاداں دیاں منگاں پوریاں کرن لئی اک کمیٹی بنا دتی اے جو چھیتی ایہناں منگاں اُتے گوہ کرے گئی۔سوال تے ایہہ ہے کیہہ ساڈے استاد، ڈاکٹر، ٹریفک، سکول، کالج، ایمرجنسی، ہسپتال بند کیتے بغیر جلسہ، جلوس تے ریلیاں کر سکدے نیں؟کیہہ اوہ صحت تے تعلیم دے معیاراں نوں چنگا کرن بارے وی احتجاج کرسکدے نیں؟جے اوہ ایہہ سب کر سکن تاں عام لوک وی انہاں دی لہر وچ رلت کرن گے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels