Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> سندھ:جرگہ کُڑیاں نوں سیاستاں دی بھینٹ چڑھان لئی تیار

سندھ:جرگہ کُڑیاں نوں سیاستاں دی بھینٹ چڑھان لئی تیار

وچار ڈیسک
December 14th, 2016

شکار پور: اک زمانہ سی جدوں شکار پور سندھ دی وڈی پہچان اتے سودگراں دا مسکن سی۔ پر اج اتھوں خبر آئی ہے پئی اک پنڈ ’’مزارجو‘‘ دی صدف سومرو نوں اس دی چاچے دی سیاستاں پاروں ’’ستی‘‘ کیتا جارہیا ہے۔بلاول بھٹو نوں ایس بارے ایکشن لینا لوڑی دا ہے۔
صدف سومرو دے چاچے نوں وڈیریاں جرگہ راہیں آکھیا ہے پئی 20 لکھ تاوان وی دیو اتے کُڑی دا رشتہ وی۔ خیرپوریونیورسٹی توں ایم اے انگریزی کرن والی صدف پریشان۔
وحید سومرو ایسے صدف دا چاچا ہے جس آپدے علاقے وچ اک بس سروس شروع کیتی سی۔ قسمت اس دی خراب سی کہ کجھ چر بعد اس نے آپدے یاراں نال رل کے اک سکول وی بنا لیتا۔ دونوں کم چل پئے تے وڈیریاں نوں ایہہ گل چنگی نہ لگی۔ اج وحید مڈل کلاس بن گیا تے کل نوں فیصلے وی کرن لگے گا۔ وحید نے بلدیاتی چوناں وچ حصہ وی لتا اتے اوہ آزاد اُمیدوار سی۔ پر وحید نوں لگ پتہ گیا پئی اس نے ’’بدعت‘‘ کیتی ہے۔وڈیریاں وحید نون سزا دین دا فیصلہ کر لتا۔کجھ چر بعد وحید تے اس زنانی نال ’’کالا‘‘ کرن دا الزام لوادتا گیاجیہڑی اس دی سپورٹر سی۔
پھیرجرگہ بٹھا دتا گیا جس وحید نوں سدے بغیر فیصلہ کیتا پئی وحید 20 لکھ جرمانہ وی دے اتے خاندان دی کسی کُڑی دا رشتہ وی۔ پلس کول کیس آیا اتے وحید دی بے گناہی من لتی گئی۔ عدالت وچ ’’کالی‘‘ قرار دین والی خاتون حفضہ سومرو آپدی بے گناہی دسی۔ پر پلس حفضہ نوں دارالمان گھل دتا ہے۔ ایہہ ہے اوہ سندھ جس بارے اج بلاول بھٹو نوں زیادہ غور کرنا ہوسی۔ مارن والے تے مرن والے دونوں سندھی ہی نیں۔ بی بی سی ایہہ سٹوری چھاپی ہے اتے ایس دی لکھاری شرجیل بلوچ نیں۔ وحید تے اس دے خاندان نوں تحفظ دینا سندھ سرکار دا کم ہے


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels